யாழ்ப்பாணம் – நல்லூரில் தியாக தீபம் திலீபனின் நினைவிடத்தில் வைக்கப்பட்டிருந்த திலீபனின் திருவுருவச்சிலையை காவல்துறையினர் பலவந்தமாக அகற்றியுள்ளனர்.
திலீபனின் நினைவிடத்திற்கு இன்று (27) காலை 06.30 மணியளவில் தங்களுடைய வாகனத்தில் வந்த சுமார் பத்திற்கு மேற்பட்ட காவல்துறையினர் குறித்த சிலையை அகற்றி எடுத்துச் செல்லும் சிசிரிவி காணொளிகள் தற்போது வெளியாகியுள்ளன.
சிலையை வைத்தவர்களுக்கு எந்தவித முன்னறிவித்தலுமின்றி திலீபனின் நினைவிடத்திற்குள் பாதணிகளுடன் சென்று குறித்த சிலையை பலவந்தமாக அகற்றிச் சென்றுள்ளதாக குற்றஞ்சாட்டப்பட்டுள்ளது.
இதேவேளை தியாக தீபம் திலீபனின் 39ஆவது ஆண்டு நினைவேந்தலின் இறுதிநாள் நிகழ்வுகள் நேற்று (26) குறித்த இடத்தில் ஏராளமான மக்கள் அணிதிரண்டு அஞ்சலி செலுத்தியிருந்தமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
