திருப்பதி கோயில் ராஜகோபுரத்தின் கலசங்களை சேதப்படுத்த முயன்ற நபர்…! பின்னணி என்ன…? | இந்தியா

அப்போது திடீரென்று அங்கு வந்த மர்ம நபர் ஒருவர் உயரமான கோயில் மதில் சுவர் மீது ஸ்பைடர் மேன் போல ஏற ஆரம்பித்தார். கோபுரத்தில் ஏதோ ஒரு அசைவை உணர்ந்த பாதுகாப்புப் படை வீரர் ஒருவர், உடனே வயர்லெஸ் மூலம் தகவல் கொடுக்க, ஒட்டுமொத்த தேவஸ்தான விஜிலென்ஸ் துறையும் அதிர்ந்தது.

உடனடியாக விஜிலன்ஸ் துறை உயர் அதிகாரிகள், போலீஸ் எஸ்.பி., காவல் கட்டுப்பாட்டு அறை ஆகியவற்றுக்கு அலர்ட் சென்று ஒரு கூட்டமே அங்கு கூடியது. அதற்குள் ராஜகோபுரத்தின் உச்சிக்குச் சென்ற மர்ம நபர், அங்கிருக்கும் தங்க கலசங்களை உடைத்து சேதப்படுத்த முயன்றார். மைக்கில் கீழே இறங்கச் சொல்லி வார்னிங் கொடுத்தபோது, குடிக்க குவாட்டர் கொடுத்தால் மட்டுமே கீழே இறங்குவேன் எனக் கூறி அடம்பிடித்து அனைத்து அதிகாரிகளையும் கடுப்பேற்றி உள்ளார்.

பின்னர் பலத்த பாதுகாப்புடன் அவரை காவல் நிலையம் அழைத்துச் சென்று விசாரிக்க, கோயில் கோபுரத்தில் ஏறி அலறவிட்ட நபர் தெலங்கானா மாநிலம் நிஜமாவாத் மாவட்டத்தில் உள்ள பெத்த மல்லாரெட்டி பகுதியைச் சேர்ந்தவர் என்பதும் அவரது பெயர் திருப்பதி என்பதும் தெரியவந்தது.