கண்டி – யாழ்ப்பாணம் A9 வீதியில், அலவத்துகொட காவல்துறை பிரிவுக்கு உட்பட்ட குருகோட 07-ஆம் கட்டை பகுதி, இன்று (22) இரவு 10.00 மணி முதல் நாளை (23) அதிகாலை 2.00 மணி வரை தற்காலிகமாக மூடப்படவுள்ளது.
கடந்த 19-ஆம் திகதி அப்பகுதியில் இடம்பெற்ற உயிரிழப்புடன் கூடிய விபத்தொன்றில் சிக்கிய ‘பிரைமர்’ (Primeur) ரக வாகனத்தின் டிரெய்லரை அகற்றும் பணிக்காகவே இந்த வீதி மூடப்படவுள்ளதாக காவல்துறையினர் தெரிவித்துள்ளனர்.
குறித்த காலப்பகுதியில் மாற்று வழிகளை பயன்படுத்துமாறு சாரதிகளுக்கு காவல்துறையினர் அறிவுறுத்தல் விடுத்துள்ளனர்.
மாற்று வழிகள்
இதன்படி, கண்டியிலிருந்து மாத்தளை நோக்கிச் செல்லும் வாகனங்கள், கட்டுக்கஸ்தோட்டை, மடவளை, வத்தேகம, உகுவெல மற்றும் அலவல ஊடாக A9 வீதியை அடையலாம்.
மாத்தளையிலிருந்து கண்டி நோக்கிச் செல்லும் கனரக வாகனங்கள், அலவல, உகுவெல, வத்தேகம, மடவளை மற்றும் கட்டுக்கஸ்தோட்டை வழியாகச் செல்ல வேண்டும்.
மேலும், இலகுரக வாகனங்கள் அலவத்துகொட, ஒவிஸ்ஸ, பூஜபிட்டிய மற்றும் அம்பத்தன்ன ஊடாக கட்டுக்கஸ்தோட்டையை அடைந்து, அங்கிருந்து கண்டி நோக்கிச் செல்ல முடியும் என காவல்துறையினர் குறிப்பிட்டுள்ளனர்.
குறித்த காலப்பகுதியில் ஏற்படக்கூடிய போக்குவரத்து நெரிசலைக் குறைப்பதற்காக, சாரதிகளும் பொதுமக்களும் மாற்று வழிகளைப் பயன்படுத்துமாறு அறிவுறுத்தப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
