ஷிம்கென்ட்: கஜகஸ்தானின் ஷிம்கென்ட் நகரில் ஆசிய துப்பாக்கி சுடுதல் சாம்பியன்ஷிப் நடைபெற்று வருகிறது.
ஆடவருக்கான ஸ்கீட் இறுதிப் போட்டியில் இந்தியாவின் அனந்த் ஜீத் நருகா 57-56 என்ற கணக்கில் ஆசிய விளையாட்டு சாம்பியனான குவைத்தின் மன்சூர் அல் ரஷிதியை வீழ்த்தி தங்கப் பதக்கம் வென்றார்.
10 மீட்டர் ஏர் பிஸ்டல் கலப்பு அணிகள் பிரிவில் இந்தியாவின் சுருச்சி இந்தர் சிங், சவுரப் சவுத்ரி ஜோடி 17-9 என்ற கணக்கில் சீன தைபேவின் லியு ஹெங் யு, ஹ்சீ ஹ்சியாங் சென் ஜோடியை வீழ்த்தி வெண்கலப் பதக்கம் வென்றது. சீனா 16-12 என்ற கணக்கில் தென் கொரியாவை வீழ்த்தி தங்கப் பதக்கம் வென்றது.
ஜூனியருக்கான 10 மீட்டர் ஏர் பிஸ்டல் கலப்பு அணிகள் பிரிவில் இந்தியாவின் வன்ஷிகா சவுத்ரி, கவின் அந்தோஷி ஜோடி 16-14 என்ற கணக்கில் கொரியாவின் கிம் யெஜின், கிம் டூயோன் ஜோடியை வீழ்த்தி வெண்கலப் பதக்கம் கைப்பற்றியது.
