சென்னை: தங்கம் விலை இன்றும் உயர்ந்துள்ளது. அதன்படி, இன்று (ஜூன் 5) சென்னையில் 22 கேரட் ஆபரணத் தங்கம் விலை பவுனுக்கு ரூ.320 அதிகரித்து ஒரு பவுன் ரூ.73,040-க்கு விற்பனையாகிறது.
சர்வதேச பொருளாதார நிலவரத்துக்கு ஏற்ப, தங்கம் விலை உயர்ந்தும், குறைந்தும் வருகிறது. அமெரிக்கா – சீனா இடையே நிலவிய வர்த்தகப் போர் முடிவுக்கு வந்ததைத் தொடர்ந்து, தங்கம் விலை மே 12-ம் தேதி ரூ. 2,360 வரை குறைந்து, ரூ.70,000-க்கு விற்பனை செய்யப்பட்டது.
இதன்பிறகு, தங்கம் விலை ஏற்ற இறக்கமாக இருந்து வந்தது. மே 28-ம் தேதி முதல் மீண்டும் தங்கம் விலை உயரத்தொடங்கியது.
இந்நிலையில், சென்னையில் 22 காரட் ஆபரணத் தங்கத்தின் விலை இன்று (ஜூன் 5) கிராமுக்கு ரூ.40 உயர்ந்து ஒரு கிராம் ரூ.9,130-க்கும், பவுனுக்கு ரூ.320 உயர்ந்து ஒரு பவுன் ரூ.73,040-க்கும் விற்பனையாகிறது. வெள்ளி விலை இன்று எவ்வித மாற்றமுமின்றி ஒரு கிராம் வெள்ளி ரூ.114-க்கு விற்பனையாகிறது. கட்டி வெள்ளி ஒரு கிலோ ரூ.1,14,000-க்கு விற்பனையாகிறது.
