டெல்லி அணி வீரர் குல்தீப் யாதவுக்கு காயம்… மும்பைக்கு எதிரான போட்டியில் இடம்பெற மாட்டார் என தகவல் – News18 தமிழ்

டெல்லி அணியின் சுழற்பந்து வீச்சாளர் குல்தீப் யாதவுக்கு காயம் ஏற்பட்டுள்ள நிலையில் ஞாயிறு அன்று மும்பை அணிக்கு எதிராக நடைபெறவுள்ள ஆட்டத்தில் அவர் பங்கேற்க மாட்டார் என்று தகவல்கள் வெளிவந்துள்ளன. காயம் சிறியதாக இருந்தாலும் முன்னெச்சரிக்கை நடவடிக்கையாக அவர் ஓய்வு எடுக்க வேண்டும் என்று மருத்துவர்கள் அறிவுறுத்தியுள்ளதாக தகவல்கள் தெரிவிக்கின்றன.

தற்போது குல்தீப் யாதவ் தனது டெல்லி அணியினருடன் மும்பையில் உள்ளார். 2 போட்டிகளில் விளையாடியுள்ள அவர் 3 விக்கெட்டுகளை கைப்பற்றினார்.

டெல்லி கேபிடல்ஸ் அணி இதுவரை 4 போட்டிகளில் விளையாடி ஒன்றில் மட்டுமே வெற்றி பெற்று பாயின்ட்ஸ் டேபிளில் 9 ஆவது இடத்தில் உள்ளது. மும்பை அணியை பொருத்தளவில் இதுவரை விளையாடிய 3 போட்டிகளிலும் தோல்வியடைந்து 10 ஆவது இடத்திற்கு சென்றுள்ளது

இந்நிலையில் 2 அணிகளும் வரும் ஞாயிறன்று மோதுகின்றன. பாயின்ட்ஸ் டேபிளில் முன்னேறுவதற்கு இரு அணிகளுக்கும் இந்த போட்டி உதவும் என்பதால், ஆட்டம் விறுவிறுப்பாக இருக்கும் என்று எதிர்பார்க்கப்படுகிறது.

இதற்கிடையே நடப்பு சீசனில் அனைத்து போட்டிகளிலும் தோல்வியடைந்துள்ள மும்பை அணி முதல் வெற்றியை பெறுவதை எதிர்நோக்கி உள்ளது.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…