டெங்கு பாதிப்பு: கடந்த ஆண்டைவிட அதிகமா குறைவா? மத்திய அரசு கொடுத்த பதில்! | தமிழ்நாடு

தமிழ்நாடு காங்கிரஸ் கமிட்டியின் கடலூர் எம்.பி. விஷ்ணுபிரசாத், நடந்து வரும் மக்களவையின் குளிர்கால கூட்டத்தொடரில் டெங்கு பாதிப்பு தொடர்பான கேள்விகளை கேட்டுள்ளார். அதற்கு சுகாதாரத்துறை இணை அமைச்சர் அனுபிரியா பட்டேல், எழுத்துப்பூர்வமாக பதிலளித்துள்ளார். அதில் இணை அமைச்சர், “கடந்த வருடம் (2024-ம் ஆண்டு) ஜூன், ஜூலை, ஆகஸ்ட், செப்டம்பர், அக்டோபர் காலகட்டங்களில் மொத்தம் 1 லட்சத்து 61 ஆயிரத்து 885 என்று டெங்கு பாதிப்பு இருந்தது. தற்போது இதே காலகட்டத்தில் 75,534 என்று இந்த பாதிப்பு குறைந்துள்ளது. இறப்பு விகிதமும் இந்த காலகட்டத்தில் குறைந்துள்ளது” என்றுள்ளார்.