டூப்ளிகேட் RC புத்தகம் பெற வேண்டுமா…? ஆன்லைனில் விண்ணப்பிப்பதற்கான வழிமுறைகள்… | வணிகம்

எனவே உங்கள் வாகனத்தின் அசல் RC தொலைந்து போனாலோ, சேதமடைந்தாலோ அல்லது தகவல்களைப் புதுப்பிக்க வேண்டியிருந்தாலோ, நீங்கள் டூப்ளிகேட் RCக்கு விண்ணப்பிக்கலாம். இது அசல் RCயைப் போலவே செல்லுபடியாகும். நீங்கள் புதிய RCயைப் பெற RTOக்கு செல்ல வேண்டிய அவசியமில்லை. வீட்டிலிருந்தே புதிய RCயைப் பெற ஆன்லைனில் விண்ணப்பிக்கலாம். படிப்படியான விவரங்கள் இதோ…

RC புத்தகம் தொலைந்து போயிருந்தாலோ, திருடப்பட்டிருந்தாலோ, கிழிந்திருந்தாலோ அல்லது எரிந்திருந்தாலோ டூப்ளிகேட் RCக்கு விண்ணப்பிக்கலாம். இதுதவிர பெயர், முகவரி போன்ற தகவல்களில் ஏற்படும் மாற்றத்தாலும் டூப்ளிகேட் RCக்கு விண்ணப்பிக்கலாம்.

• உங்கள் RC தொலைந்துபோனாலோ அல்லது திருடப்பட்டாலோ, முதலில் அருகிலுள்ள காவல் நிலையத்தில் FIR பதிவு செய்வது அவசியமாகும். அதுமட்டுமின்றி, டூப்ளிகேட் RCக்கான விண்ணப்பம் ஏற்றுக்கொள்ளப்படாது.
• இதற்குப் பிறகு, RCஐ வழங்கிய RTOவிடம் சென்று, இது குறித்து எழுத்துப்பூர்வமாகத் தெரிவிக்கவும்.
• அதன்பிறகு, ஃபார்ம் 26ஐ நிரப்புவதன் மூலம் டூப்ளிகேட் RC-க்கு விண்ணப்பிக்கவும்.
• டூப்ளிகேட் RC பெற மத்திய அரசின் விதிகளின்படி கட்டணம் செலுத்த வேண்டும்.

டூப்ளிகேட் RCக்கு விண்ணப்பிக்க சில குறிப்பிட்ட ஆவணங்கள் தேவைப்படுகின்றன. அதாவது பூர்த்தி செய்யப்பட்ட ஃபார்ம் 26, FIR காப்பி, மாசுக்கட்டுப்பாட்டு சான்றிதழ், வாகனத்தின் வேலிட் இன்சூரன்ஸ் பேப்பர் ஆகியவற்றுடன் ஆதார் அட்டை, மின்சார பில் போன்ற முகவரிச் சான்றுடன் பான் கார்டின் காப்பி, RC தொலைந்து போனதற்கான பிரமாணப் பத்திரம் போன்றவை அடங்கும்.

• முதலில், பரிவஹன் சேவையின் அதிகாரப்பூர்வ வலைத்தளத்திற்குச் செல்லவும்.
• ஹோம் பக்கத்தில் உள்ள ஆன்லைன் சர்வீஸ் மெனுவிற்கு சென்று வெஹிகிள் ரிலேடட் சர்வீஸ் என்பதை செலக்ட் செய்யவும்
• இப்போது உங்கள் வாகனம் பதிவு செய்யப்பட்டுள்ள மாநிலத்தை செலக்ட் செய்யவும்.
• பின்னர் டூப்ளிகேட் RC என்ற ஆப்ஷனைக் கிளிக் செய்யவும்.
• ஆன்லைன் படிவத்தை நிரப்பி, உங்கள் வாகனம் தொடர்பான ஆட்டோ ஃபில்டு இன்ஃபர்மேஷனை சரிபார்க்கவும்.
• பரிந்துரைக்கப்பட்ட கட்டணத்தை ஆன்லைனில் செலுத்துங்கள் (கட்டணம் வாகனத்தின் வகையைப் பொறுத்தது).
• விண்ணப்பத்திற்குப் பிறகு பெறப்பட்ட ரசீதை, தேவையான அனைத்து ஆவணங்களுடன் RTOவிடம் சமர்ப்பிக்கவும்.