டி20 தொடரில் விளையாடிய இளம் வீரர்களான வைபவ் சூர்யவன்ஷி, திலக் வர்மா, அபிஷேக் சர்மா, சிவம் துபே, சஞ்சு சாம்சன், பிரின்ஸ் யாதவ், மயங்க் யாதவ், புவனேஷ்வர் குமார் மற்றும் வருண் சக்ரவர்த்தி ஆகிய 9 வீரர்கள் நாடு திரும்பியுள்ளனர். அவர்களுக்குப் பதிலாக, அனுபவமிக்க முன்னணி நட்சத்திர வீரர்களான ரோஹித் சர்மா, விராட் கோலி, கே.எல். ராகுல், ருதுராஜ் கெய்க்வாட், அன்ஷுல் கம்போஜ், குர்னூர் பிரார் மற்றும் முகமது சிராஜ் உள்ளிட்ட வீரர்கள் ஒருநாள் தொடருக்கான அணியில் இணைந்துள்ளனர்.
இந்த 5 போட்டிகள் கொண்ட ஒருநாள் தொடருக்கு பிசிசிஐ (BCCI) மூன்று வெவ்வேறு கட்டங்களாக அணிகளை அறிவித்துள்ளது. முதல் மூன்று போட்டிகளுக்குச் சுப்மன் கில் கேப்டனாகச் செயல்படுவார்.
முதல் ஒருநாள் போட்டி (நவம்பர் 4, ஆக்லாந்து): சுப்மன் கில் (கேப்டன்), ரோஹித் சர்மா, விராட் கோலி, ஸ்ரேயாஸ் ஐயர், நமன் தீர், ருதுராஜ் கெய்க்வாட், நிதீஷ் குமார் ரெட்டி, அக்சர் படேல், அன்ஷுல் கம்போஜ், கே.எல். ராகுல், இஷான் கிஷன், குர்னூர் பிரார், முகமது சிராஜ், ஆகிப் நபி தார், அர்ஷ்தீப் சிங், குல்தீப் யாதவ்.
2-வது மற்றும் 3-வது ஒருநாள் போட்டிகள் (நவம்பர் 7 & 10): முதல் போட்டியின் அணியில் இருந்த நிதீஷ் குமார் ரெட்டியைத் தவிர்த்து மற்ற வீரர்கள் இடம்பெற்றுள்ளனர்.
4-வது மற்றும் 5-வது ஒருநாள் போட்டிகள் (நவம்பர் 13 & 15): கடைசி இரண்டு போட்டிகளுக்கு ஸ்ரேயாஸ் ஐயர் கேப்டனாகச் செயல்படுவார். இந்த அணியில் திலக் வர்மா மீண்டும் இணைவதோடு, குமார் குஷாக்ரா மற்றும் யாஷ் தாக்கூர் ஆகியோரும் சேர்க்கப்பட்டுள்ளனர்.
இந்திய நேரப்படி அனைத்துப் போட்டிகளும் காலை 7:30 மணிக்குத் தொடங்கும். முதல் போட்டி நவம்பர் 4 அன்று ஆக்லாந்திலும், இரண்டாவது போட்டி நவம்பர் 7 அன்று வெலிங்டனிலும், மூன்றாவது போட்டி நவம்பர் 10 அன்று ஹேமில்டனிலும் நடைபெறவுள்ளன. கடைசி இரண்டு போட்டிகள் நவம்பர் 13 மற்றும் 15 ஆகிய தேதிகளில் ‘பே ஓவல்’ மைதானத்தில் நடைபெறவுள்ளன. டி20 தொடரின் வெற்றிப் பயணத்தை ஒருநாள் தொடரிலும் தொடர இந்திய அணி தீவிர முனைப்புடன் களமிறங்குகிறது.
