டாலர், பவுண்ட், யூரோ அல்ல.. உலகின் மிக உயர்ந்த மதிப்புள்ள நாணயம் எது தெரியுமா? – News18 தமிழ்

இந்த நாணயம் தற்போது உலகளவில் அதிக மதிப்புடையதாக கருதப்படுகிறது. இது அமெரிக்க டாலர் மற்றும் பிரிட்டிஷ் பவுண்டை மிஞ்சி உள்ளது. மேலும், இது சர்வதேச பரிவர்த்தனைகளுக்கான பிரதான தேர்வாக அமைகிறது. அது எந்த நாட்டின் நாணயம் என்று இங்கே பார்ப்போம்.

உலகெங்கிலும் உள்ள நாணயங்களின் மதிப்பு தொடர்ந்து மாறி வருகிறது என்பது அனைவருக்கும் தெரிந்த ஒன்று. சில நாணயங்கள் மற்ற நாடுகளை விட அதிக வலிமையை கொண்டுள்ளன. சில நாடுகளில், மிக உயர்ந்த நாணய மதிப்பானது ஒப்பீட்டளவில் குறைவாக உள்ளது. உலகின் வலிமையான நாணயங்களின் மதிப்பை அறிந்துகொள்வது, பல்வேறு சூழ்நிலைகளில் மிகவும் பயனுள்ளதாக இருக்கும். குறிப்பாக சர்வதேச பயணம் மற்றும் நாணய பரிமாற்றம் என்று வரும்போது, பல பயணிகள் தங்களுடைய உள்ளூர் நாணயத்தை அமெரிக்க டாலர் போன்ற வலுவான உலகளாவிய நாணயமாக மாற்றுவதற்கு சாதகமானதாக கருதுகின்றனர். இந்தியாவில் இருந்து தாய்லாந்து மற்றும் மலேசியா போன்ற இடங்களுக்குப் பயணிக்கும் இந்த அணுகுமுறை, லாபகரமான மாற்று விகிதத்தை உறுதி செய்கிறது.

Also Read:
1 மனைவி மற்றும் 4 காதலிகளுடன் ஒரே குடியிருப்பில் வாழ்ந்த சீன நபர்… 4 ஆண்டுகளுக்கு பிறகு தெரியவந்த அதிர்ச்சி

குவைத் தினார் (Kuwaiti Dinar)

பொதுவாக, அமெரிக்க டாலர் மற்றும் பிரிட்டிஷ் பவுண்ட், உலகின் மிகவும் மதிப்புமிக்க நாணயங்கள் என்று நினைப்போம். ஆனால் அது உண்மையில்லை. அதிக மதிப்புள்ள நாணயம் குவைத் தினார் (KWD) ஆகும். குவைத்தின் வலுவான பொருளாதாரம் மற்றும் பரந்த எண்ணெய் இருப்பு காரணமாக, தினார் ஒரு KWDக்கு தோராயமாக ரூ.268 என மதிப்பிடப்படுகிறது. இந்த வலுவான நாணயம் மிகவும் நிலையானது. இது பயணிகளுக்கும் முதலீட்டாளர்களுக்கும் கவர்ச்சிகரமான தேர்வாக அமைகிறது.

குவைத்தின் வளமான எண்ணெய் இருப்பு மற்றும் நிலையான பொருளாதாரம் ஆகியவை, உலக நிதிச் சந்தையில் தினாரை ஒரு வலுவான நாயணமாக நிலைநிறுத்தியுள்ளது. குறைந்த பணவீக்கம் மற்றும் எண்ணெய்க்கான வலுவான தேவையுடன், நாடு இந்த உயர் மாற்று விகிதத்தை பராமரிக்கிறது. தினாரின் மதிப்பு ஒரு வலுவான பொருளாதாரத்தின் அடையாளம் மட்டுமல்ல. எரிசக்தி துறையில் குவைத்தின் செல்வாக்கை இது குறிக்கிறது.

வாழை மற்றும் மரவள்ளி கிழங்குகளுக்கு பயிர் காப்பீடு செய்து எப்படி.?
மேலும் செய்திகள்…