விக் ஆன் ஜீ: நெதர்லாந்தின் விக் ஆன் ஜீ நகரில் டாடா ஸ்டீல் மாஸ்டர்ஸ் செஸ் தொடர் நடைபெற்று வருகிறது. இதில் உலக சாம்பியனான இந்திய கிராண்ட் மாஸ்டர் டி.குகேஷ் தனது 9-வது சுற்றில், சகநாட்டைச் சேர்ந்த லியோன் லூக் மென்டோன்காவுடன் மோதினார். இதில் 43-வது நகர்த்தலின் போது குகேஷ் வெற்றி பெற்றார். இந்த வெற்றியின் மூலம் குகேஷ் 6.5 புள்ளிகளுடன் முதலிடத்தில் உள்ளார்.
இந்தத் தொடரில் இன்னும் 4 சுற்றுகள் உள்ளன. உஸ்பெகிஸ்தானின் நோடிர்பக் அப்துசட்டோரோவ், ஸ்லோவேனியாவின் விளாடிமிர் ஃபெடோசெவ் ஆகியோர் தலா 6 புள்ளிகளுடன் உள்ளனர். இந்தியாவின் ஆர்.பிரக்ஞானந்தா 5.5 புள்ளிகளுடன் 4-வது இடத்தில் உள்ளார். அவர், 9-வது சுற்றில் நெதர்லாந்தின் அனிஷ் கிரியிடம் தோல்வி அடைந்தார்.
