Last Updated:
ஏஐ சேவையில் பயனாளர்களுக்கு வழங்கும் நோக்கில் கூகுள் நிறுவனத்துடன் Reliance Intelligence நிறுவனம் கைகோர்த்துள்ளது.
ஜியோ பயனாளர்கள் Gemini AI Pro சேவையை 18 மாதங்களுக்கு இலவசமாக பயன்படுத்தலாம் என அறிவிக்கப்பட்டுள்ளது. கோடிக்கணக்கான இந்தியர்களுக்கு ஜியோ நிறுவனம் மலிவான விலையில் மொபைல் டேட்டா வழங்கி வருகிறது.
அதேபோன்ற அனுபவத்தை ஏஐ சேவையில் பயனாளர்களுக்கு வழங்கும் நோக்கில் கூகுள் நிறுவனத்துடன் Reliance Intelligence நிறுவனம் கைகோர்த்துள்ளது. ரிலையன்ஸ் குழுமத்தின் ஆண்டு பொது கூட்டத்தில் பேசிய அதன் தலைவர் முகேஷ் அம்பானி, ’அனைவருக்கும் ஏஐ’ என்ற முழக்கத்தை முன்வைத்தார்.
அதன்படி, ரிலையன்ஸ் ஜியோ பயனாளர்கள் 35 ஆயிரத்து நூறு ரூபாய் மதிப்புள்ள Gemini AI Pro சேவையை 18 மாதங்களுக்கு இலவசமாக பயன்படுத்தலாம் என அறிவித்துள்ளார்.
தகுதியுள்ள ஜியோ பயனர்களுக்கு 18 மாதங்களுக்கு கூகுளின் AI Pro திட்டம், அதன் சமீபத்திய ஜெமினி (Gemini) பதிப்புடன், இலவசமாக வழங்கப்படும். இந்த 18 மாத சலுகையின் மதிப்பு ஒரு பயனருக்கு சுமார் ₹35,100 ஆகும்.
இதில் வரம்பற்ற Chats, 2TB Cloud Storage, வீடியோ மற்றும் புகைப்படங்களை உருவாக்க முடியும். முதற்கட்டமாக 18 முதல் 25 வயதுடைய இளைஞர்கள் இச்சேவையை தற்போது பயன்படுத்த முடியும் என அறிவிக்கப்பட்டுள்ளது.
விரைவில் அனைத்து ஜியோ பயனாளர்களும் இச்சேவையை பெற வழிவகை செய்யப்படும் என ஜியோ நிறுவனம் தெரிவித்துள்ளது.
October 30, 2025 8:42 PM IST
