ஜியோ பங்கு வெளியீடு: 30 மடங்கு அதிகமானோர் முதலீடு செய்ய முன்பதிவு | வணிகச் செய்திகள்

ரிலையன்ஸ் நிறுவனத்தின் Jio Platforms Ltd நிறுவனம், தொடக்க நிலை பொது பங்கு வெளியீட்டை மேற்கொள்கிறது. இதற்காக புதன்கிழமை முதல் முன்பதிவு செய்யலாம் என அறிவிக்கப்பட்டுள்ளது. இதன்மூலம், சுமார் 30 ஆயிரம் கோடி ரூபாயை திரட்ட முடிவு செய்துள்ள நிலையில், ஆங்கர் புக்கிங் எனப்படும் நிலைத்த முதலீட்டாளர்களுக்காக 8,110 கோடி மதிப்பிலான பங்குகளை ஒதுக்க Jio Platforms Ltd நிறுவனம் முடிவு செய்துள்ளது.

இதற்கான முன்பதிவு தொடங்கிய நிலையில், ஜியோ மீதான நம்பிக்கைக் காரணமாக, உலகின் பல்வேறு நாடுகளைச் சேர்ந்த பல நிதி நிறுவனங்கள் ஆங்கர் புக்கிங்கில் முதலீடு செய்ய முன்வந்துள்ளன. சிங்கப்பூரைச் சேர்ந்த GIC, நார்வே நாட்டின் Norges Bank Investment Management, அபுதாபி முதலீட்டு ஆணையம், கத்தார் முதலீட்டு ஆணையம் ஆகிய வெளிநாட்டு நிறுவனங்களும்

இந்தியாவைச் சேர்ந்த SBI Mutual Fund, ICICI Prudential Mutual Fund, HDFC Mutual Fund, Aditya Birla Sun Life Mutual Fund, Nippon India Mutual Fund, and Kotak Mahindra Mutual Fund, LIC, HDFC Life, SBI Life, SBI Pension உள்ளிட்ட நிறுவனங்களும் முன்பதிவு செய்துள்ளன. இதன்படி, நிர்ணயிக்கப்பட்ட தொகையைவிட சுமார் 30 மடங்கு அதிகமாக இரண்டரை லட்சம் கோடி ரூபாய் முதலீட்டுக்கு முன்பதிவு செய்யப்பட்டுள்ளது குறிப்பிடத்தக்கது…