மலாக்காவில் உள்ள ஒரு பள்ளியைச் சேர்ந்த மாணவர்கள் மற்றும் ஆசிரியர்கள் உட்பட முப்பத்து மூன்று பேர், கடந்த வாரம் ஜாசின் ஹாட் ஸ்பிரிங்ஸுக்குச்(Jasin Hot Springs) சென்றபிறகு, லெப்டோஸ்பிரோசிஸ் அல்லது எலி சிறுநீர் நோயால் பாதிக்கப்பட்டுள்ளதாகச் சந்தேகிக்கப்படுகிறது.
மல்கா டெங்கா மாவட்டத்தில் உள்ள ஒரு பள்ளியைச் சேர்ந்த மாணவர்களில் ஒரு பகுதியினர், இரண்டு நாட்களுக்கு முன்பு வெந்நீர் ஊற்றுக்குச் சென்று வந்தபிறகு காய்ச்சல், இருமல், தசை வலி போன்ற அறிகுறிகளைக் கண்டதாக ஜூன் 7 அன்று மலகா டெங்கா மாவட்ட சுகாதார அலுவலகத்துக்குத் தெரிவிக்கப்பட்டது.
மாணவர்கள், ஆசிரியர்கள், பெற்றோர்கள் மற்றும் பாதுகாவலர்கள் உட்பட 78 பங்கேற்பாளர்கள் நிகழ்ச்சியில் கலந்து கொண்டதாக மலகா தெங்கா மாவட்ட சுகாதார அலுவலகத்திற்கு தெரிவிக்கப்பட்டது.
“இருப்பினும், 15 மாணவர்கள், ஒன்பது ஆசிரியர்கள் மற்றும் மூன்று பாதுகாவலர்கள் அடங்கிய 27 பேர் அறிகுறிகளை வெளிப்படுத்தினர்,” என்று அவர் நேற்று ஒரு அறிக்கையில் கூறினார், ஒரு பாதுகாவலரும் நான்கு மாணவர்களும் மேலதிக சிகிச்சைக்காக மலாக்கா மருத்துவமனையில் அனுமதிக்கப்பட்டனர்.
நோயாளிகள் நிலையான நிலையில் இருப்பதாகவும், மீதமுள்ளவர்கள் அயர் கெரோ ஹெல்த் கிளினிக்கில் வெளிநோயாளர் சிகிச்சை பெற்றதாகவும் அவர் கூறினார்.
ஜூன் 7 மற்றும் 11 க்கு இடையில் வெந்நீர் ஊற்றுக்குச் சென்ற பொதுமக்களிடையே இதே தொற்று ஆறு புதிய நேர்வுகள் கண்டறியப்பட்டுள்ளன என்றும் அவர் கூறினார்.
நோயாளிகளின் மருத்துவ மாதிரிகள் பரிசோதனைக்காகச் சுங்கை பூலோ பொது சுகாதார ஆய்வகத்திற்கு அனுப்பப்பட்டுள்ளதாக ருசிதா கூறினார்.
சூடான நீரூற்றுகளில் நடத்தப்பட்ட இடர் மதிப்பீட்டில், லெப்டோஸ்பிரோசிஸ் பரவுவதற்கு இப்பகுதி உகந்தது என்று கண்டறியப்பட்டது, ஜூன் 8 முதல் 14 நாட்களுக்குப் பொழுதுபோக்கு மையம் மூடப்பட்டுள்ளது என்று அவர் கூறினார்.
“சுத்தப்படுத்தும் பணியை மேற்கொள்ளவும், குளத்து நீரை ஒரு அட்டவணையின்படி தவறாமல் மாற்றவும், தூய்மையைப் பராமரிக்கவும், எலிகள் அல்லது பிற நோய் பரப்பும் விலங்குகளின் தொல்லை இல்லை என்பதை உறுதிப்படுத்தவும் ஆபரேட்டர்களுக்கு அறிவுறுத்தப்பட்டுள்ளது”.
“இந்தச் சந்தேகத்திற்குரிய லெப்டோஸ்பிரோசிஸ் கிளஸ்டரின் சமீபத்திய முன்னேற்றங்களை மாநில சுகாதாரத் துறை தொடர்ந்து கண்காணித்து, அனைத்து தொடர்புடைய நிறுவனங்களுடன் இணைந்து தடுப்பு மற்றும் கட்டுப்பாட்டு நடவடிக்கைகளைச் செயல்படுத்துவதில் தயார்நிலையை மேம்படுத்தும்,” என்று அவர் கூறினார்.
பொழுதுபோக்கு மையங்களுக்குச் செல்லும்போது தூய்மையைப் பராமரிக்கவும், அவர்கள் வருகைக்குப் பிறகு அறிகுறிகள் தோன்றினால் உடனடியாகச் சிகிச்சை பெறவும் அவர் பொதுமக்களுக்கு அறிவுறுத்தினார்.
