டி.கே.பி.கபில
ஜப்பானைச் சேர்ந்த 250-க்கும் மேற்பட்ட சுற்றுலாப் பயணிகளும் முதலீட்டாளர்களும் கொண்ட பெருமளவிலான குழுவொன்று, முதல் முறையாக கடந்த ஓகஸ்ட் 30 ஆம் திகதி பிற்பகலில் ஸ்ரீலங்கன் விமான சேவை மூலம் கட்டுநாயக்க விமான நிலையத்திற்கு வருகை தந்துள்ளனர்.
ஜப்பானுக்கும் இலங்கைக்கும் இடையே நிலவிவரும் நீண்டகால நட்புறவைப் புதுப்பிக்கும் வகையிலேயே இந்த ஜப்பானிய பிரஜைகளின் வருகை அமைந்திருந்தது.
குறித்த குழுவினர், ஆகஸ்ட் 30 ஆம் திகதி பிற்பகல் 04:30 மணிக்கு ஜப்பானின் நரிட்டா விமான நிலையத்திலிருந்து ஸ்ரீலங்கன் விமான சேவையின் UL-455 இலக்க விமானம் மூலம் கட்டுநாயக்க விமான நிலையத்தை வந்தடைந்தனர்.
இவர்களை வரவேற்பதற்காக துறைமுகங்கள் மற்றும் சிவில் விமான சேவைகள் பிரதி அமைச்சர் ஜனித் ருவன் கொடித்துவக்கு, குறித்த அமைச்சின் செயலாளர் டப்ளியு. டப்ளியு. எஸ். மங்கள, சிவில் விமான சேவைகள் அதிகார சபையின் பணிப்பாளர் நாயகம் கெப்டன் தමින්த ரம்புக்வெல்ல உள்ளிட்ட பலரும் கட்டுநாயக்க விமான நிலையத்திற்குச் சென்றிருந்தனர்.
இந்த ஜப்பானிய சுற்றுலாப் பயணிகளும் முதலீட்டாளர்களும் தங்கள் இலங்கைச் சுற்றுலாவை நிறைவு செய்து கொண்டு, எதிர்வரும் செப்டம்பர் 04 ஆம் திகதி நாட்டை விட்டுப் புறப்படவுள்ளனர்.
