ஷா ஆலம்: டாமன்சாரா நாடாளுமன்ற உறுப்பினர் கோபிந்த் சிங் தியோ, ஜசெகவின் புதிய தேசியத் தலைவராக பொறுப்பேற்றார். கட்சியின் மூத்த தலைவர் லிம் குவான் எங் இடமிருந்து அந்தப் பதவியை ஏற்றுக் கொண்டார். இன்று நடைபெற்ற தேர்தல்களைத் தொடர்ந்து, கட்சியின் புதிதாகத் தேர்ந்தெடுக்கப்பட்ட 30 உறுப்பினர்களைக் கொண்ட மத்திய செயற்குழு கோபிந்தை உயர் பதவிக்கு நியமித்தது. அதில் டிஜிட்டல் அமைச்சர் முதலிடத்தைப் பிடித்தார்.
இன்று முன்னதாக மத்திய செயற்குழுவிற்கு மீண்டும் தேர்ந்தெடுக்கப்பட்ட பிறகு, முன்னாள் நிதியமைச்சரான லிம் குவான் எங் கட்சியின் உயர் தலைமையிலிருந்து தான் வெளியேறுவதாக பரப்பப்பட்ட பிரச்சாரத்தை பொய்யாக்கி ஆலோசகர் பதவியை ஏற்றுக்கொன்டார். இன்றைய தேர்தலில் போட்டியிட வேண்டாம் என்று முடிவு செய்த கட்சியின் மூத்த தலைவர் டான் கோக் வாய் முன்பு வகித்த பதவி இதுவாகும்.
இதற்கிடையில், லோக் சியூ ஃபூக் டிஏபி பொதுச் செயலாளராக இரண்டாவது முறையாகப் பணியாற்றுவார். இது கட்சியில் மிகவும் செல்வாக்கு மிக்க பதவியாகும். தேர்தலுக்கு முன்னதாக, கட்சியின் தலைமைப் பதவியைத் தக்கவைக்க லிம் CECக்குள் போதுமான வாக்குகளைப் பெறாமல் போகலாம் என்ற ஊகம் இருந்தது.
ஜசெக பொதுச் செயலாளர் பதவியை லோக்கிடம் ஒப்படைத்த பிறகு, 2022 ஆம் ஆண்டு லிம் டிஏபி தலைவரானார். முந்தைய 17 ஆண்டுகளாக அவர் கட்சியின் பொதுச் செயலாளராக இருந்தார். புதிதாக தேர்ந்தெடுக்கப்பட்ட சிஇசி உறுப்பினர்கள் அதன் புதிய செயற்குழுவின் அமைப்பு குறித்து விவாதிக்க 30 நிமிடங்கள் செலவிட்டதாகவும், இறுதி வரிசை ஒருமனதாக எடுக்கப்பட்ட முடிவாகும் என்றும் லோக் ஒரு செய்தியாளர் கூட்டத்தில் கூறினார்.
