சொத்து மதிப்பு எப்போதும் ஏறிக்கொண்டே இருக்கும் என நினைக்கிறீர்களா? உண்மையை விளக்கும் ரியல் எஸ்டேட் ஆலோசகர்! | வணிகம்

“உங்கள் உறவினர் 2007-ல் ஒரு பிளாட் வாங்கினார் என்று வைத்துக் கொள்வோம். அவர் இன்னும் அதில் லாபம் அடைவதற்காக காத்துக்கொண்டிருக்கிறார் என்பதே உண்மை” என்ற உதாரணத்துடன் தனது பதிவைத் தொடங்குகிறார் சௌஹான். அவர் சொல்ல வருவது இதுதான். சொத்து வாங்குவது எப்போதும் லாபத்தைத் தராது. இதிலுள்ள அபாயங்களை மக்கள் புறக்கணிக்கும்போது என்ன நடக்கும் என்பதற்கு வரலாறு சாட்சியாக உள்ளது.

1980-களின் பிற்பகுதியில் செழிப்பான ரியல் எஸ்டேட் சந்தையாக இருந்த ஜப்பான், வரலாற்றின் மிகப்பெரிய சரிவுகளில் ஒன்றாக எவ்வாறு முடிந்தது என்பதை சௌஹான் தனது பதிவில் பகிர்ந்து கொண்டார். “1989-ம் ஆண்டில், ஜப்பானின் ரியல் எஸ்டேட் சந்தை மதிப்புமிக்கதாக இருந்தது. டோக்கியோவில் உள்ள இம்பீரியல் அரண்மனையின் கீழ் உள்ள நிலம் கலிபோர்னியா முழுவதையும் விட அதிகமான மதிப்புடையதாக இருந்தது. பின்னர் அது சரிந்தது. 2001 வாக்கில் அதன் நில மதிப்புகள் 70 சதவீதம் சரிந்தன. 1989-ல் உச்சத்தில் இருந்த போது அங்கு சொத்து வாங்கியவர்கள் இன்னும் படுகுழியில் உள்ளனர்” என்று அவர் லிங்க்ட்இன் தளத்தில் பகிர்ந்துள்ளார்.

இதுபோன்ற எச்சரிக்கைகள் இருந்தபோதிலும், இந்தியா தற்போது ரியல் எஸ்டேட் வளர்ச்சியை ஆதரிக்கும் வலுவான அடிப்படைகளைக் கொண்டுள்ளது என்றும், நிலையான மொத்த உள்நாட்டு உற்பத்தி வளர்ச்சி, கட்டுப்படுத்தப்பட்ட ஊகம் மற்றும் சீரான விநியோக-தேவை போன்ற காரணிகள் தொடரும் வரை, இந்திய ரியல் எஸ்டேட் சந்தை வலுவாக இருக்கும் என்று சவுகான் குறிப்பிடுகிறார்.