சேப்பாக்கத்தில் சிஎஸ்கே சிக்ஸர் மழை.. குஜராத் வெற்றி பெற இமாலய இலக்கு – News18 தமிழ்

ஐபிஎல் கிரிக்கெட் தொடரில் குஜராத் அணிக்கு எதிரான ஆட்டத்தில் முதலில் பேட்டிங் செய்த சென்னை அணி 20 ஓவர்கள் முடிவில் 6 விக்கெட் இழப்புக்கு 206 ரன்கள் குவித்துள்ளது. இந்த போட்டியில் மட்டும் சென்னை அணியின் பேட்ஸ்மேன்கள் 11 சிக்சர்களை விளாசியுள்ளனர்.

இதையடுத்து 207 ரன்கள் எடுத்தால் வெற்றி என்ற இலக்கை நோக்கி குஜராத் டைட்டன்ஸ் அணியின் பேட்ஸ்மேன்கள் களம் இறங்கியுள்ளனர். சென்னை அணி தரப்பில் ருதுராஜ் கெய்க்வாட், ரச்சின் ரவிந்திரா தலா 46 ரன்களும், சிவம் துபே 51 ரன்னும் எடுத்தனர்.

டாஸில் வென்ற குஜராத் அணியின் கேப்டன் சுப்மன் கில் பவுலிங்கை தேர்வு செய்தார். இதையடுத்து பேட்டிங்கை தொடங்கிய சென்னை அணிக்கு ரச்சின் ரவிந்திரா அதிரடியான தொடக்கத்தை கொடுத்தார். வெறும் 20 பந்துகளை சந்தித்த அவர் 3 சிக்சர் 6 பவுண்டரியுடன் 46 ரன்கள் குவித்து ஆட்டமிழந்தார்.

அஜிங்யா ரஹானே 12 ரன்கள் சேர்க்க, அடுத்து வந்த சிவம் துபே முதல் 2 பந்துகளை சிக்சருக்கு அனுப்பினார். நேர்த்தியான ஆட்டத்தை வெளிப்படுத்திய கேப்டன் ருதுராஜ் 36 பந்துகளில் 46 ரன்கள் எடுத்து ஆட்டமிழந்தார்.

5 சிக்சர், 2 பவுண்டரியுடன் 23 பந்துகளில் 51 ரன்கள் எடுத்து அசத்தினார் சிவம் துபே. டேரில் மிட்செல் 24 ரன்களும், சமீர் ரிஸ்வி 2 சிக்சருடன் 14 ரன்களும் சேர்க்க 20 ஓவர்கள் முடிவில் 6 விக்கெட்டுகளை இழந்த சென்னை அணி 206 எடுத்துள்ளது. இதையடுத்து 207 ரன்கள் எடுத்தால் வெற்றி என்ற இலக்கை நோக்கி குஜராத் டைட்டன்ஸ் பேட்ஸ்மேன்கள் ஆட்டத்தை தொடங்கியுள்ளனர்.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…