செயலாக்க கட்டணத்தை அறிமுகப்படுத்தியுள்ள அமேசான்.. யார் யாருக்கு பொருந்தும்!

இந்த செயலாக்க கட்டணம் ஏற்கன்வே ப்ளிப்கார்ட்டினால் வசூலிக்கப்பட்டு வருகிறது. இப்போது அமேசானும் இந்த கட்டணத்தை நடைமுறைப்படுத்துகிறது. இதனால், வாடிக்கையாளர்கள் தங்கள் சேமிப்பைக் கணக்கிடும்போது இந்த கூடுதல் கட்டணத்தைக் கருத்தில் கொள்ள வேண்டும். எடுத்துக்காட்டாக, ரூ.500 வங்கி தள்ளுபடியுடன் ரூ.6,000 வாங்கினால் இப்போது ரூ.5,500க்கு பதிலாக ரூ.5,549 செலவாகும்.

செயலாக்கக் கட்டணம் பிரைம் உறுப்பினர்கள் உட்பட அனைத்து வாடிக்கையாளர்களுக்கும் பொருந்தும். இருப்பினும், ரூ.500க்கும் குறைவான வங்கி தள்ளுபடிகளைப் பயன்படுத்துபவர்களுக்கு இந்தக் கட்டணம் விதிக்கப்படாது.

இந்த கட்டணத்தை யார் செலுத்த வேண்டும்?:

ரூ.500 அல்லது அதற்கு மேற்பட்ட வங்கி தள்ளுபடியைப் பயன்படுத்தும் வாடிக்கையாளர்கள்.

பிரைம் உறுப்பினர்களுக்கு கட்டண விலக்கு இல்லை.

ரூ.500 க்குக் குறைவான தள்ளுபடிகளுக்கு இந்த கட்டணம் தேவையில்லை.

வாடிக்கையாளர் உதவி மையத்தின் படி, ரத்துசெய்தல் அல்லது திருப்பி அனுப்புதல் உட்பட எந்தவிதமான செயல்முறையின் போதும் கட்டணம் திருப்பி அளிக்கப்படாது.

நீங்கள் ஆர்டரை ரத்துசெய்தால் அல்லது திருப்பி அனுப்பினால் என்ன நடக்கும்?: ஆர்டர் ரத்து செய்யப்பட்டாலும் அல்லது திருப்பி அனுப்பப்பட்டாலும், ரூ.49 செயலாக்கக் கட்டணம் திருப்பி அளிக்கப்படாது.

அமேசான் ஏன் இந்தக் கட்டணத்தை விதிக்கிறது?: வங்கி தள்ளுபடி சலுகைகளை நிர்வகித்தல் மற்றும் செயலாக்குவதற்கான செலவுகளை ஈடுகட்டும் வகையில் இந்த கட்டணம் வடிவமைக்கப்பட்டுள்ளது. அடிப்படையில், இது தள்ளுபடிகளைக் கையாள்வதற்கான சேவைக் கட்டணமாக அமைகிறது.