Last Updated:
உங்களுடைய EPF அக்கவுண்ட் செயலற்றதாக மாறிவிட்டால் நீங்கள் என்ன செய்ய வேண்டும் என்பதை இப்போது பார்க்கலாம்.
எம்ப்ளாயி பிராவிடண்ட் ஃபண்ட் (EPF) என்பது இந்தியாவில் மிகவும் முக்கியமான ஓய்வு கால சேமிப்பு திட்டங்களில் ஒன்றாக கருதப்படுகிறது. ஊழியரின் அடிப்படை சம்பளம் மற்றும் டியர்னஸ் அலவன்ஸ் ஆகியவற்றை அடிப்படையாகக் கொண்டு ஒவ்வொரு மாதமும் EPF அக்கவுண்டில் குறிப்பிட்ட அளவு பணத்தை ஊழியர் செலுத்துவார். அதே அளவு தொகையை ஒவ்வொரு மாதமும் அவர் பணிபுரியும் நிறுவனமும் பங்களிக்கும்.
EPF என்பது தனியார் துறையில் உள்ள மாத வருமானம் பெறும் நபர்களுக்கு ஏற்ற மிகவும் பிரபலமான ஒரு ஓய்வுக் கால சேமிப்புத் திட்டமாக அமைகிறது. அரசு EPF-க்கான வட்டி விகிதத்தை அவ்வப்போது நிர்ணயிக்கிறது. எனினும் 36 மாதங்களுக்கு தொடர்ச்சியாக எந்தவொரு பங்களிப்பும் செய்யப்படாத EPF அக்கவுண்டுகள் செயலற்றதாக மாறிவிடும். ஒருவேளை உங்களுடைய EPF அக்கவுண்ட் செயலற்றதாக மாறிவிட்டால் நீங்கள் என்ன செய்ய வேண்டும் என்பதை இப்போது பார்க்கலாம்.
ஒருவேளை செயலற்ற நிலையில் இருக்கும் EPF அக்கவுண்ட்டிற்கு யுனிவர்சல் அக்கவுண்ட் நம்பர் UAN இல்லாவிட்டால் அதனை உடனடியாக உருவாக்க வேண்டும். செயலற்ற நிலையில் உள்ள அக்கவுண்ட்டிற்கு ஒரு புதிய UAN-ஐ உருவாக்குவதற்கு அல்லது ஏற்கனவே உள்ள UAN உடன் PF அக்கவுண்ட்டை இணைப்பதற்கு நீங்கள் EPFO அலுவலகத்தை அணுக வேண்டும்.
ஒருவேளை உங்களால் அலுவலகத்திற்கு நேரடியாக செல்ல முடியாவிட்டால் UAN உருவாக்குவதற்கு ஆன்லைனில் ஒரு கோரிக்கையை சமர்ப்பிக்கலாம். அதன்பிறகு EPFO அலுவலகத்தை சேர்ந்த அதிகாரி ஒருவர் உங்களுடைய பயோமெட்ரிக் சரிபார்ப்பு மற்றும் UAN உருவாக்குவதற்கு உங்களுடைய வீட்டிற்கு வருவார்.
செயலற்ற நிலையில் உள்ள EPF அக்கவுண்ட்டை அன்பிளாக் செய்ய பின்வரும் படிகளை பின்பற்றுங்கள்:
- முதலில் EPFOஇன் யூனிஃபைட் மெம்பர் போர்ட்டலுக்கு சென்று உங்களுடைய UAN மற்றும் பாஸ்வேர்டு பயன்படுத்தி உள்நுழையவும்.
- அதில் டாஷ்போர்டில் காணப்படும் ‘Help Desk’ என்ற ஆப்ஷனை கிளிக் செய்யுங்கள்.
- பிறகு ‘Inoperative account assistance’ என்ற ஆப்ஷனை தேர்வு செய்யுங்கள்.
- தேவையான விவரங்களை நிரப்பி, ஸ்கிரீனில் காணப்படும் வழிமுறைகளைப் பின்பற்றி EPF அக்கவுண்ட்டை அன்லாக் செய்வதற்கான கோரிக்கையை சமர்ப்பிக்கவும்.
மேலே உள்ள படிகளை நிறைவு செய்த பிறகு 20 முதல் 25 நாட்களுக்குள் உங்களுடைய EPF அக்கவுண்ட் அன்பிளாக் செய்யப்படும். ஒருவேளை கோரிக்கையை சமர்ப்பிக்கும் செயல்முறையில் ஏதேனும் பிழைகள் ஏற்பட்டால், உடனடியாக நீங்கள் EPFiGMS போர்ட்டலில் ஒரு புகாரை தாக்கல் செய்யலாம். அதே சமயத்தில், உங்களுடைய விண்ணப்பத்தின் நிலையை கண்காணிப்பதற்கு EPFO போர்ட்டலை பார்வையிடுங்கள்.
July 14, 2025 5:12 PM IST
