டெங்கு பரவலை முன்கூட்டியே கண்டறிதல் மற்றும் பரவல் தடுப்பு நடவடிக்கைகளை வலுப்படுத்தும் முயற்சிகளின் ஒரு பகுதியாக, டெங்கு அபாய இடங்களை முன்னறிவிப்பதற்கான ஒரு செயற்கை நுண்ணறிவு அமைப்பைச் சுகாதார அமைச்சகம் உருவாக்கி வருகிறது.
சுகாதார அமைச்சர் சுல்கேப்லி அஹ்மத் இன்று மக்களவையில் கூறுகையில், இந்த முன்கணிப்பு AI கருவி, நோய் எண்ணிக்கை அதிகரிப்பதற்கு முன்பே அதிக ஆபத்துள்ள பகுதிகளைக் கண்டறிந்து, அதிக இலக்கு தலையீட்டை செயல்படுத்த வடிவமைக்கப்பட்டுள்ளது.
“டெங்கு தொடர்பான இறப்புகள் இப்போது கோவிட்-19 இறப்புகளை விட அதிகமாக உள்ளன. இந்த ஆண்டு இதுவரை, 21 டெங்கு இறப்புகள் ஏற்பட்டுள்ளன, கோவிட்-19 நோயால் ஒருவர் மட்டுமே இறந்துள்ளனர்,” என்று அவர் கேள்வி பதில் அமர்வின்போது கூறினார்.
இருப்பினும், கடந்த ஆண்டைவிட நிலைமை மேம்பட்டுள்ளதாக அவர் குறிப்பிட்டார், மலேசியாவில் 83,000 க்கும் மேற்பட்ட டெங்கு நேர்வுகள் மற்றும் 117 இறப்புகள் பதிவாகியுள்ளன.
மீண்டும் மீண்டும் வரும் டெங்கு பெருந்தொற்றுகளை சமாளிப்பதற்கான நடவடிக்கைகள்குறித்து கேட்ட அஹ்மத் யூனுஸ் ஹைரியின் (PN–Kuala Langat) துணை கேள்விக்கு சுல்கேஃப்லி பதிலளித்தார்.
சிலாங்கூரில் அதிக எண்ணிக்கையிலான நேர்வுகள் தொடர்ந்து பதிவாகி வருவதாகவும், அதைத் தொடர்ந்து கோலாலம்பூர் இரண்டாவது இடத்தில் இருப்பதாகவும் அவர் கூறினார். 45 இடங்களில் செயல்படுத்தப்பட்டு வரும் வோல்பாச்சியா கொசு திட்டத்தின்(Wolbachia mosquito programme) செயல்திறனையும் அவர் எடுத்துரைத்தார்.
ஏடிஸ் கொசுக்களின் எண்ணிக்கையை அடக்குவதில் இந்தத் திட்டம் 45 முதல் 100 சதவீதம் வரை வெற்றி விகிதங்களை அடைந்துள்ளது என்று அவர் மேலும் கூறினார்.
உலக சுகாதார அமைப்பின் (WHO) தகவலின்படி, ஒல்பாசியா (Wolbachia) என்பது பல இனமான பூச்சிகளில் இயற்கையாகவே காணப்படும் ஒரு ஒத்துழைப்தன்மையுள்ள (symbiotic) பாக்டீரியாகும். ஒல்பாசியா இயற்கையாகவே Aedes aegypti கொசுக்களில் இல்லை என்றாலும், அது வெற்றிகரமாகக் கொசுவிற்கு மாற்றப்பட்டுள்ளது இதன் மூலம் டெங்கு, சிகா, சிக்குன்குன்யா மற்றும் மஞ்சள் காய்ச்சல் உள்ளிட்ட பல வைரஸ்களின் பரவலைக் குறைப்பதாகக் கண்டறியப்பட்டுள்ளது.
டெங்கு தடுப்பூசி உருவாக்கம் குறித்து, மலாயா பல்கலைக்கழகத்தில் அமைச்சகத்தின் வழிகாட்டுதலின் கீழ் ஆராய்ச்சி மற்றும் மேம்பாட்டு முயற்சிகள் தொடர்ந்து நடைபெற்று வருவதாகச் சுல்கேப்லி கூறினார்.
