சிறார்களிடம் பாலியல் குற்றம்… டார்க் வெப்பில் வீடியோ விற்பனை… கணவன்-மனைவிக்கு தூக்கு தண்டனை… | India News (இந்தியா செய்திகள்)

18 வயதுக்கும் குறைவான சிறுவர், சிறுமிகளை மிரட்டி, அவர்களை பாலியல் ரீதியாக வீடியோ எடுத்து, அதை டார்க் வெப்சைட்டுகளுக்கு விற்றுள்ளனர். அரசு ஊழியரும், அவரது மனைவியும் சேர்ந்து தம்பதியாக இந்த கொடூர செயலில் ஈடுபட்டுள்ளனர். இருவருக்கும் தூக்கு தண்டனை விதிக்கப்பட்ட சம்பவத்தில் நடந்தது என்ன?

இந்த வழக்கில்தான் ராம்பவன் மற்றும் அவரது மனைவி துர்காவதிக்கு நீதிமன்றம் தூக்குத் தண்டனை விதித்துள்ளது. இந்த வழக்கில் 74 சாட்சிகள் ஆஜராகி சாட்சி கூறியுள்ளனர். இதில், 25 பேர் பாதிக்கப்பட்ட சிறார்கள் என்பது குறிப்பிடத்தக்கது. சிறப்பு போக்ஸோ நீதிபதி பிரதீப் குமார் மிஸ்ரா தனது 163 பக்க தீர்ப்பில் இந்த அருவருப்பான குற்றம் குறித்து கடுமையான கருத்துகளையும் பதிவு செய்துள்ளார். தண்டனையுடன், குற்றவாளிகளுக்கு அபராதமும் விதிக்கப்பட்டுள்ளது. அபராதத் தொகையில், சாட்சி அளித்த ஒவ்வொரு பாதிக்கப்பட்ட சிறார்களுக்கும் 10 லட்ச ரூபாய் இழப்பீடாக வழங்க நீதிபதி உத்தரவிட்டிருக்கிறார்.

ராம்பவன் மற்றும் துர்காவதி ஜாமினில் வெளியே சுற்றி வந்துகொண்டிருந்த நிலையில், இருவருக்கும் தூக்கு தண்டனை விதிக்கப்பட்டதை தொடர்ந்து, இருவரையும் போலீசார் மீண்டும் கைது செய்து சிறையில் அடைத்துள்ளனர். குற்றவாளிகள் 3 செல்போன்களைப் பயன்படுத்தி டார்க் வெப் வழியாக சிறார்களின் வீடியோக்கள் மற்றும் புகைப்படங்களை வெளிநாடுகளில் விற்றிருப்பது தெரியவந்துள்ளது. அதன் பின்னரே, சிபிஐ இந்த விவகாரத்தில் தலையிட்டு வழக்குப்பதிவு செய்து, கணவன் – மனைவி இருவருக்கும் தூக்கு தண்டனை வாங்கிக் கொடுத்துள்ளது.