சிபில் ஸ்கோரை பான் கார்டு இல்லாமல் தெரிந்துகொள்ள முடியுமா? இதை படிங்க!

சிபில் ஸ்கோர் என்பது பொருளாதார பரிமாற்றங்களில் குறிப்பாக லோன் வாங்குவதற்கு அல்லது கிரெடிட் கார்டுகள் வாங்குவதற்கு போன்றவற்றில் முக்கிய பங்கு வகிக்கிறது. சிபில் (CIBIL) என்று பொதுவாக அழைக்கப்படும் கிரெடிட் இன்ஃபர்மேஷன் பியூரியா இந்தியா லிமிடெட் கடன் பெறுநர்களுக்கு கிரெடிட் ஸ்கோர்களை வழங்குவதில் குறிப்பிடத்தக்க பங்கு கொண்டுள்ளது. ஒரு பான் (PAN) கார்டு இல்லாமலேயே எப்படி சிபில் ஸ்கோர் பெறுவது என்பதற்கான படிப்படியான வழிகாட்டுதலை இந்த பதிவின் மூலமாக பார்க்கலாம்.

– அதிகாரப்பூர்வ சிபில் வெப்சைட்டுக்கு சென்று அங்கு ‘பர்சனல் சிபில் ஸ்கோர்’ என்ற பிரிவுக்கு செல்லவும். அங்கு ‘கெட் யுவர் ஃப்ரீ சிபில் ஸ்கோர்’ என்பதை கிளிக் செய்து உங்களுடைய விவரங்களை நிரப்ப கொடுக்கப்பட்டுள்ள வழிமுறைகளை பின்பற்றவும்.

– உங்களிடம் ஒரு பான் கார்டு இல்லாத பட்சத்தில் உங்களின் பாஸ்போர்ட், வாக்காளர் அடையாள அட்டை, ஓட்டுனர் உரிமம் அல்லது ரேஷன் கார்டு போன்ற மாற்று அடையாள ஆவணங்களை நீங்கள் பயன்படுத்தலாம். நீங்கள் தேர்ந்தெடுக்கும் குறிப்பிட்ட அடையாள அட்டையின் எண்ணை என்டர் செய்யவும்.

– இப்போது உங்களுடைய பிறந்த தேதி, மின்னஞ்சல் குறியீடு மற்றும் உங்களுடைய மாநிலத்தை தேர்வு செய்யவும். பின்னர் உங்களுடைய மொபைல் நம்பரை என்டர் செய்து ‘அக்சப்ட் அண்ட் கன்டினியூ’ என்பதை கிளிக் செய்யுங்கள்.

– உங்களுடைய அடையாளத்தை வெரிஃபை செய்வதற்கு உங்கள் மொபைலுக்கு அனுப்பப்பட்ட ஒன் டைம் பாஸ்வேர்டை (OTP) என்டர் செய்யவும். பின்னர் ‘கன்டினியூ’ என்பதை கிளிக் செய்யுங்கள்.

– உங்களுடைய அக்கவுண்ட்டை சாதனத்துடன் இணைக்க வேண்டுமா என்பதை தேர்வு செய்யவும். அதற்கு தகுந்தார் போல ‘ஆம்’ அல்லது ‘இல்லை’ என்பதை தேர்வு செய்யுங்கள்.

– பதிவு செயல்முறை வெற்றிகரமாக நிறைவு செய்யப்பட்டதும் அதனை உறுதிப்படுத்தும் விதமாக ஒரு பக்கத்தை காண்பீர்கள்.

Also Read | 
UPI பேமெண்ட்… மோசடிகளில் சிக்காமல் இருக்க இதை ஃபாலோ பண்ணுங்க போதும்!

– இப்போது உங்களுடைய சிபில் ஸ்கோரை காண கோ டு டாஷ்போர்டு’ என்பதை கிளிக் செய்யவும்.

சிபில் ஸ்கோர் என்பது கடன் வாங்கும் பொழுதும், வங்கிகளில் இருந்து கிரெடிட் கார்டு வாங்கும் பொழுதும் ஆய்வு செய்யப்படுகிறது. ஒருவேளை உங்களிடம் குறைவான கிரெடிட் ஸ்கோர் இருந்தால் கடன் பெறுவதில் சிக்கல் ஏற்படலாம் அல்லது குறைந்த வட்டியில் கடன் கிடைக்காமல் போக வாய்ப்புள்ளது. எனவே லோன் செயல்முறையை துவங்குவதற்கு முன்பு உங்களுடைய சிபில் ஸ்கோர் என்ன என்பதை தெரிந்து கொள்வது அவசியம். சிபில் ஸ்கோரை தெரிந்து கொள்வதற்கு பான் கார்டு அவசியம் என்றாலும், பான் கார்டு இல்லாதவர்கள் மேலே குறிப்பிட்டுள்ள வழியை பின்பற்றுவதன் மூலமாக தங்களுடைய சிபில் ஸ்கோரை தெரிந்து கொள்ளலாம்.

.