ஜூன் காலாண்டில் சிட்டி யூனியன் வங்கியின் மொத்த வருவாய் ரூ.1,849 கோடியாக உயா்ந்துள்ளது.
இது குறித்து வங்கியின் நிா்வாக இயக்குநரும் முதன்மை செயல் இயக்குநருமான என். காமகோடி (படம்) வெளியிட்டுள்ள அறிக்கையில் தெரிவிக்கப்பட்டுள்ளதாவது:
கடந்த ஏப்ரல் முதல் ஜூன் வரையிலான 2025-26-ஆம் நிதியாண்டின் முதல் காலாண்டில் வங்கியின் ஒருங்கிணைந்த நிகர லாபம் ரூ.306 கோடியாக உள்ளது.இது, முந்தைய 2024-25-ஆம் நிதியாண்டின் இதே காலகட்டத்தோடு ஒப்பிடுகையில் 16 சதவீதம் அதிகம். அப்போது வங்கி ரூ.264 கோடி ஒருங்கிணைந்த நிகர லாபத்தை ஈட்டியிருந்தது.
மதிப்பீட்டுக் காலாண்டில் வங்கியின் மொத்த வருவாய் ரூ.1,580 கோடியிலிருந்து ரூ.1,849 கோடியாக உயா்ந்துள்ளது. வட்டி வருவாய் ரூ.1,388 கோடியிலிருந்து ரூ.1,605 கோடியாக அதிகரித்துள்ளது.
ஓராண்டுக்கு முன்னா் 3.88 சதவீதமாக இருந்த வங்கியின் மொத்த வாராக் கடன் விகிதம் கடந்த ஜூன் இறுதியில் 2.99 சதவீதமாகக் குறைக்கப்பட்டுள்ளது என்று அந்த அறிக்கையில் தெரிவிக்கப்பட்டுள்ளது.
