சிங்கப்பூரில் S Pass அனுமதி அட்டைக்கான தகுதி சம்பளம் இன்று செப்.1 முதல் உயரவுள்ளது.
தற்போது S$3,150 வெள்ளி என இருக்கும் S Pass தகுதி சம்பளம் S$3,300 க்கு உயர்த்தப்படும் என குறிப்பிடப்பட்டுள்ளது.
அதோடு சேர்த்து முதல் படிநிலை தீர்வையும் (Tier 1 S Pass levy) S$550 லிருந்து S$650 ஆக அதிகரிக்கும் என்பது கூடுதல் தகவல்.
இந்த தகுதி சம்பளமானது 45 வயது அதற்கு மேற்பட்டோருக்கு S$4,650 லிருந்து S$4,800 ஆக உயர்த்தப்படும் என சொல்லப்பட்டுள்ளது.
2022 பட்ஜெட்டில் அறிவிக்கப்பட்டது போல, S Pass தகுதி சம்பள உச்சவரம்பு மூன்றாவது முறையாக அதிகரிக்கப்படவுள்ளது குறிப்பிடத்தக்கது.
நிதிச் சேவைகள் துறையை பொறுத்தவரை, S Pass தகுதி சம்பளம் S$3,650 லிருந்து S$3,800 க்கு அதிகரிக்கிறது.
இது படிப்படியாக உயரும் சம்பள முறையின்கீழ், 45 வயது மற்றும் அதற்கு மேற்பட்டவர்களுக்கு S$5,650 வரை உயர்த்தப்படுகிறது.
பொதுத் துறை (General sectors) ஊழியர்களுக்கு குறைந்தபட்ச சம்பளம் S$3,300 ஆகவும், நிதிச் சேவை துறைகளுக்கு S$3,800 ஆகவும் உயருகிறது.
இந்த சம்பள மாற்றங்கள் S Pass புதுப்பித்தல்களுக்கும் பொருந்தும். ஆனால், 2026 செப்டம்பர் 1, முதல் மட்டுமே S Pass புதுப்பிப்புகளுக்கு சம்பள மாற்றங்கள் நடப்புக்கு வரும்.
மின்சிகரெட்: S பாஸ், ஒர்க் பெர்மிட் வெளிநாட்டு ஊழியர்களுக்கு செப்.1 முதல் கடும் நடவடிக்கை
