Last Updated:
ஏமனில் தொலைத் தொடர்பு நிலையம் மற்றும் பள்ளி மீது சவுதி கூட்டணிப் படைகள் தாக்குதல் நடத்தியதாக அந்த அமைப்பு குற்றம்சாட்டியுள்ளது.
சவுதி அரேபியாவில் மூன்று விமான நிலையங்கள் மீது நடத்தப்பட்ட தாக்குதல் தொடர்பான சிசிடிவி காட்சிகள் வெளியாகி அதிர்ச்சியை ஏற்படுத்தியுள்ளது.
ஏமன் அரசுக்கும், ஹூதி கிளர்ச்சி அமைப்பிற்கும் இடையே ஏற்பட்ட போர் நிறுத்த ஒப்பந்தம் உடைந்ததை தொடர்ந்து, ஹூதி அமைப்பை குறிவைத்து ராணுவத் தாக்குதலை சவுதி அரேபியா தீவிரப்படுத்தியது. இதற்கு பதிலடியாக சவுதி அரேபியாவில் உள்ள முக்கிய கட்டமைப்புகளை குறிவைத்து ஹூதி அமைப்பினர் தாக்கி வருகின்றனர்.
இந்த வகையில், கடந்த 1ஆம் தேதி முதல் ரியாத்தில் உள்ள கிங் காலித் சர்வதேச விமான நிலையம் மீது 20 முறை தாக்குதல் நடத்தப்பட்டது. இதில் இந்தியர்கள் உட்பட 17 பேர் உயிரிழந்ததுடன், 333 பேர் காயமடைந்தனர். இந்த பதற்றமான சூழல் காரணமாக, கிங் காலித் சர்வதேச விமான நிலையத்தின் சேவைகள் தற்காலிகமாக நிறுத்தி வைக்கப்பட்டுள்ளன.
இந்த நிலையில், அப்ஹா, நஜ்ரான், ஜிசானில் உள்ள சர்வதேச விமான நிலையங்களின் மீது தாக்குதல் நடத்தப்பட்ட சிசிடிவி காட்சிகள் தற்போது வெளியாகி அதிர்ச்சியை ஏற்படுத்தி உள்ளன. ஆனால், இந்தத் தாக்குதலை தாங்கள் நடத்தவில்லை என ஹுதி அமைப்பு மறுப்புத் தெரிவித்துள்ளது. அதேநேரத்தில், ஏமனில் தொலைத் தொடர்பு நிலையம் மற்றும் பள்ளி மீது சவுதி கூட்டணிப் படைகள் தாக்குதல் நடத்தியதாக அந்த அமைப்பு குற்றம்சாட்டியுள்ளது.
