சென்னை: 22 காரட் ஆபரணத் தங்கத்தின் விலை பவுனுக்கு ரூ.400 என குறைந்துள்ளது. நேற்று தங்கம் விலை அதிகரித்த நிலையில் இன்று குறைந்துள்ளது கவனிக்கத்தக்கது.
சர்வதேச நிலவரத்துக்கு ஏற்ப தங்கத்தின் விலை நிர்ணயிக்கப்படுகிறது. அந்த வகையில், அக்.17-ம் தேதி ஒரு பவுன் ஆபரணத் தங்கம் ரூ.97,600 ஆக விலை அதிகரித்து, வரலாறு காணாத புதிய உச்சத்தை தொட்டது. கடந்த 28-ம் தேதி ஒரு பவுன் ஆபரணத் தங்கம் ரூ.88,600 ஆக இருந்தது. இதன்பிறகு, தங்கம் விலை ஏற்ற, இறக்கமாக இருக்கிறது.
இந்நிலையில், இன்று (நவ.7) தங்கம் விலை பவனுக்கு ரூ.400 குறைந்து, ஒரு பவுன் ரூ.90,160-க்கு விற்பனை ஆகிறது. ஒரு கிராம் ரூ.50 என குறைந்து, ரூ.11,270-க்கு விற்பனை ஆகிறது. 24 காரட் தங்கம் ஒரு பவுன் ரூ. 98,360-க்கும், 18 காரட் தங்கம் ஒரு பவுன் ரூ.75,200-க்கும் விற்பனை ஆகிறது. வெள்ளி விலை மாற்றமின்றி ஒரு கிராம் ரூ.165-க்கு விற்பனை ஆகிறது.
