பல்லின சமூகதினரிடையே ஒரு நீண்ட கால சமூக ஆர்வலராக இருந்து வந்த இவர்தான் 1960 இல் மகளிர் ஆசிரியர் சங்கத்தை உருவாக்கினார். அதோடு மலேசியாவில் பாலின சமத்துவத்திற்கான தீவிர ஆதரவாளராக இருந்தார்.
இராசம்மா பூபாலனின் முணைப்புகள், 1986 இல் அவருக்கு தொக்கோ குரு விருது வழங்கப்பட்டபோது அங்கீகாரம் பெற்றன.
கல்வித் தலைவர் ராசம்மா பூபாலன் இன்று தனது 98 வயதில் காலமானார்.
அவரது குடும்பத்தினரின் அறிவிப்பின்படி, நாளை இரவு கோலாலம்பூரில் உள்ள அவரது வீட்டில் ஒரு நினைவஞ்சலி நடைபெறும்.
பெண்களுக்கான கல்வி மற்றும் சமூக உரிமைகளை மேம்படுத்துவதில் தனது பணிக்காக அறியப்பட்ட ஒரு சமூக ஆர்வலரான இராசம்மாவுக்கு மூன்று குழந்தைகள், ஏழு பேரக்குழந்தைகள் மற்றும் இரண்டு கொள்ளுப் பேரக்குழந்தைகள் உள்ளனர்.
16 வயதில், அவர் ஆங்கிலேயர்களுக்கு எதிராக இந்திய தேசிய ராணுவத்தின் பெண்கள் பிரிவில் சேர்ந்து, அப்போது பர்மா என்று அழைக்கப்பட்ட மியான்மரில் பணியாற்றினார்.
மலேரியாவால் பாதிக்கப்பட்ட பிறகு, தனது இடைநிலைக் கல்வியைத் தொடர 1945 இல் மலாயா திரும்பினார்.
ஜூன் 1953 இல் சிங்கப்பூரில் உள்ள மலாயா பல்கலைக்கழகத்தில் பட்டம் பெற்ற அவர், பினாங்கில் உள்ள மெதடிஸ்ட் பெண்கள் பள்ளியில் தனது கற்பித்தல் பணியைத் தொடங்கினார்.
இராசம்மா 1960 இல் மகளிர் ஆசிரியர் சங்கத்தை உருவாக்கி கோலாலம்பூரில் உள்ள மெதடிஸ்ட் பெண்கள் பள்ளியின் முதல்வரானார்.
அதே நேரத்தில், அவர் மலேசியாவில் பாலின சமத்துவத்தின் தீவிர ஆதரவாளராக இருந்தார், மேலும் அனைத்து பெண் ஆசிரியர்களும் சம ஊதியம் பெற வேண்டும் என்று வலியுறுத்தினார்.
இராசம்மாவின் முயற்சிகள் 1986 இல் அவருக்கு தொக்கோ குரு விருது வழங்கப்பட்டபோது அங்கீகாரம் பெற்றன.
கல்வித் துறைக்கு அப்பால், வீட்டு வன்முறை மற்றும் பாலியல் வன்கொடுமைக்கு எதிராகப் குரல் கொடுக்கும் அதே வேளையில், ஓய்வூதியம் மற்றும் குறைந்தபட்ச ஊதியம் உயர்த்தப்பட வேண்டும் என்று அவர் பிரச்சாரம் செய்தார்.
