கோலாலம்பூர்:
கோலாலம்பூர் அனைத்துலக விமான நிலையம் முனையம் 2-இல் (KLIA Terminal 2), இன்று காலை, சுமார் 20 நிமிடங்கள் மின் தடை ஏற்பட்ட சம்பவம், நாட்டின் நற்பெயருக்குக் களங்கம் ஏற்படுத்தியதாக, போக்குவரத்து அமைச்சர் ஆந்தோனி லோக் (Anthony Loke) கண்டனம் தெரிவித்தார்.
அவர், KLIA2-இல் ஒரு நிகழ்ச்சியைத் தொடங்குவதற்கு சற்று முன்பு இந்த மின் தடை ஏற்பட்டது. இதனால், விமான நிலையம் இருளில் மூழ்கியது. மின் படிக்கட்டுகள் (escalators) இயங்கவில்லை. வணிக வளாகங்களில் கூட்டம் அலைமோதியது. இருப்பினும், தகவல் பலகைகள் தொடர்ந்து செயல்பட்டன.
துணை அமைப்புகள் (backup systems) செயல்பட்டிருக்க வேண்டும் என்று கூறிய அமைச்சர், இது ஏற்றுக்கொள்ள முடியாதது என்றார். இதுபோன்ற சம்பவம் மீண்டும் நடக்காது என்று உறுதியளிக்க வேண்டும் என்றும், சாக்குப்போக்குகள் தேவையில்லை என்றும் அவர் வலியுறுத்தினார். மேலும், மலேசியா ஏர்போர்ட்ஸ் ஹோல்டிங்ஸ் பெர்ஹாட் (MAHB) கேட்வே @ KLIA2 (gateway@klia2) ஆகிய நிறுவனங்கள், 24 மணி நேரத்திற்குள் முழுமையான அறிக்கையைச் சமர்ப்பிக்க வேண்டும் என்றும் அவர் உத்தரவிட்டார்.
