மலையக
நாய் ‘கோபி’ சுடப்பட்ட விவகாரத்தில், பெசுட் நகராட்சி மன்றம் மற்றும் திரங்கானு அரசுக்கு எதிராகத் தொடரப்பட்ட வழக்கு தள்ளுபடி செய்யப்பட்டதற்கான காரணங்கள் “தர்க்கத்திற்கு அப்பாற்பட்டவை” என்று கூறி, வழக்கைத் தொடர்ந்த நான்கு விலங்கு நல ஆர்வலர்களும் மிகுந்த
குழப்பமடைந்துள்ளனர்.
கடந்த
வியாழக்கிழமை, கோலா திரங்கானு உயர்
நீதிமன்றம் இந்த வழக்கைத் தள்ளுபடி
செய்தது. மனுதாரர்கள் யாரும் பெசுட் பகுதியைச் சேர்ந்தவர்கள் இல்லை என்பதால், அவர்களுக்கு இந்த வழக்கைத் தொடர
தார்மீக உரிமை இல்லை என்று நீதிமன்றம் தீர்ப்பளித்தது.
மேலும்,
இந்த விவகாரத்தில் நான்கு வாதிப்பாளர்களும் தங்களுக்கு உண்மையான மற்றும் நேரடித் தொடர்பு இருப்பதை நிரூபிக்கத் தவறிவிட்டதாகவும் நீதிமன்றம் தெரிவித்தது.
விலங்கு
நல ஆர்வலர்கள் சார்பில் ஆஜரான வழக்கறிஞர் ராஜேஷ் நாகராஜன் கூறுகையில், ‘கோபி’ என்று அழைக்கப்படும் அந்த தெருநாய் “ஈவுஇரக்கமின்றி
படுகொலை செய்யப்பட்டது” என்று தெரிவித்தார்.
“விலங்கு
நல ஆர்வலர்களைத் தவிர, வேறு யார் வழக்குத்
தொடர முடியும்? இந்தத் தீர்ப்பானது மலேசியாவில் விலங்கு உரிமைகளுக்கு பின்னடைவை ஏற்படுத்தும் ஒரு நடவடிக்கையாகவே எனது
கட்சிக்காரர்கள் கருதுகின்றனர்” என்று அவர் செய்தியாளர்களிடம் கூறினார்.
விலங்கு
நல ஆர்வலர்களான டாக்டர் கார்த்தினி பாரா அப்துல் ரஹீம்,
எஸ். முகுந்தன், ஹோங் ஹாய் சான்
மற்றும் எஸ். சசிகுமார் ஆகிய
நால்வரும் 2024 டிசம்பரில் பெசுட் நகராட்சி மற்றும் திரங்கானு அரசுக்கு எதிராக இந்த வழக்கைத் தொடர்ந்தனர்.
விலங்குகளின்
மீது துப்பாக்கிகளைப் பயன்படுத்துவதை 2015-ஆம் ஆண்டு விலங்கு
நலச் சட்டத்தின் 29(e) மற்றும் 30(1) பிரிவுகள் தடை செய்வதால், இந்த
துப்பாக்கிச் சூடு சட்டவிரோதமானது என
அறிவிக்க அவர்கள் கோரினர்.
அக்டோபர்
2024-இல், பெசுட் மாவட்ட மன்றத் தலைவர் சுகேரி இப்ராஹிம், கோபி மீதான துப்பாக்கிச்
சூடு நடைமுறைகளின்படியே மேற்கொள்ளப்பட்டதாகக் கூறி அதனை நியாயப்படுத்தினார்.
மேலும், சுடப்பட்ட பிறகு நாயின் உடல் அப்படியே கைவிடப்பட்டதாகக்
கூறப்படும் குற்றச்சாட்டுகளையும் அவர் மறுத்தார்.
இதற்கிடையில்,
படுகாயமடைந்த கோபி உயிரிழந்து கிடக்கும்
52 வினாடி வீடியோ காட்சி வெளியாகி பெரும் பரபரப்பை ஏற்படுத்தியது. துப்பாக்கிச் சத்தத்தைக் கேட்ட குடியிருப்பாளர் ஒருவர், நாயின் உடலைக் கண்டெடுக்கும் அந்த வீடியோ சமூக
வலைதளங்களில் வேகமாகப் பரவியது.
இந்த
வீடியோ விலங்கு ஆர்வலர்களிடையே கடும் ஆத்திரத்தை ஏற்படுத்தியதோடு, விலங்கு உரிமைகள் மற்றும் தெருநாய்களுக்கான நீதி குறித்த நாடு
தழுவிய விவாதத்தையும் கிளப்பியது.
இந்தத்
தீர்ப்பை எதிர்த்து மேல்முறையீடு செய்யத் திட்டமிட்டுள்ள ராஜேஷ், இந்த நீதிமன்றத் தீர்ப்பை
உள்ளூர் அதிகாரிகள், மக்கள் தொகையைக் கட்டுப்படுத்துகிறோம் என்ற பெயரில் தெருநாய்களைக்
கொலை செய்வதற்கான உரிமமாகப் பயன்படுத்தக்கூடும் என்று தெரிவித்தார்.
‘விலங்குகளுக்கான
வழக்கறிஞர்கள்’ அமைப்பைச் சேர்ந்த ராஜேஷ் கூறுகையில், நாய் தொகையைக் கட்டுப்படுத்த
ஏற்கனவே மனிதாபிமான முறைகள் இருப்பதைச் சுட்டிக்காட்டினார்.
“இதற்கு எளிய தீர்வு – பிடிப்பது, கருத்தடை செய்வது மற்றும் விடுவிப்பது மட்டுமே. இந்த முறை பயனுள்ளது என நிரூபிக்கப்பட்ட போதிலும், உள்ளூர் மன்றங்கள் இன்னும் தெருநாய்களைத் துப்பாக்கியால் சுட்டுக் கொல்வதிலேயே பிடிவாதமாக உள்ளன,” என்று அவர் கூறினார்.
-fmt
