Last Updated:
புதிய விதிகளின் கீழ், வர்த்தகர்கள் மற்றும் மொத்த விற்பனையாளர்கள் 3,000 டன் வரை கோதுமையை சேமித்து வைக்கலாம்.
பதுக்கல் மற்றும் தேவையற்ற லாபத்தைத் தடுக்கவும், உணவுப் பாதுகாப்பை உறுதி செய்யவும், வணிகர்கள், மொத்த விற்பனையாளர்கள், சில்லறை விற்பனையாளர்கள் மற்றும் சில்லறை சங்கிலி விற்பனையாளர்கள் கோதுமையை சேமித்து வைப்பதற்கான காலக்கெடுவை அடுத்த ஆண்டு மார்ச் வரை அரசு நீட்டித்துள்ளது. நிர்ணயிக்கப்பட்ட வரம்பை விட அதிகமாக கோதுமையை சேமித்து வைத்திருப்பது பிடிபட்டால், அவர்கள் மீது கடுமையான சட்ட நடவடிக்கை எடுக்கப்படும்.
மே 27 அன்று வெளியிடப்பட்ட குறிப்பிட்ட உணவுப் பொருட்கள் (திருத்தம்) ஆணை-2025இன் கீழ், இருப்பு வரம்புகள், உரிமத் தேவைகள் மற்றும் போக்குவரத்து கட்டுப்பாடுகளை நீக்கும் உத்தரவு மார்ச் 31, 2026 வரை அமலில் இருக்கும் என்று அரசு அறிக்கை தெரிவித்துள்ளது. சந்தையில் நிலைத்தன்மையைப் பேணுவதும், கோதுமை கிடைப்பதை உறுதி செய்வதும் இந்த உத்தரவின் முக்கிய நோக்கமாகும்.
புதிய விதிகளின் கீழ், வர்த்தகர்கள் மற்றும் மொத்த விற்பனையாளர்கள் 3,000 டன் வரை கோதுமையை சேமித்து வைக்கலாம். அதே நேரத்தில் சில்லறை விற்பனையாளர்கள் மற்றும் சங்கிலி விற்பனையாளர்கள், ஒவ்வொரு சில்லறை விற்பனை நிலையத்திலும் 10 டன் வரை இருப்பு வைத்திருக்க அனுமதிக்கப்படுவார்கள். ப்ராசசர்கள் அவற்றின் மாதாந்திர திறனில் 70 சதவீதத்தை சேமித்து வைக்க அனுமதிக்கப்படுகின்றன. அனைத்து கோதுமை இருப்பு வைத்திருப்பவர்களும் ஒவ்வொரு வெள்ளிக்கிழமையும் வீட் ஸ்டாக் போர்ட்டலில் தங்கள் நிலையை அறிவிக்க வேண்டும்.
போர்ட்டலில் பதிவு செய்யப்படாத அல்லது இருப்பு வரம்பை மீறும் நிறுவனங்கள் மீது அத்தியாவசிய பொருட்கள் சட்டம், 1955இன் பிரிவு 6 மற்றும் 7இன் கீழ் தண்டனைக்குரிய நடவடிக்கையை எதிர்கொள்ள நேரிடும். நிர்ணயிக்கப்பட்ட வரம்பிற்கு மேல் சரக்கு வைத்திருப்பவர்கள், அறிவிப்பு வெளியான 15 நாட்களுக்குள் அனுமதிக்கப்பட்ட அளவிற்குள் அதைக் கொண்டு வர வேண்டும். செயற்கை கோதுமை பற்றாக்குறையைத் தடுக்க மத்திய மற்றும் மாநில அரசு அதிகாரிகள் அமலாக்கத்தை உன்னிப்பாகக் கண்காணிப்பார்கள்.
2024-25 பயிர் ஆண்டில் (ஜூலை-ஜூன்), நாடு 117.50 மில்லியன் டன் கோதுமையை உற்பத்தி செய்து சாதனை படைத்துள்ளது. மே 27, 2025 நிலவரப்படி, அரசு நிறுவனங்கள் மற்றும் இந்திய உணவுக் கழகம் மூலம் 298.17 லட்சம் டன் கோதுமையை அரசாங்கம் கொள்முதல் செய்துள்ளது. இது பப்ளிக் டிஸ்ட்ரிபியூஷன் சிஸ்டம், அதர் மார்க்கெட் இன்டர்வென்ஷன் ஸ்கீம் மற்றும் பிற திட்டங்களின் தேவைகளைப் பூர்த்தி செய்ய போதுமானது.
உணவு மற்றும் பொது விநியோகத் துறையின் கூற்றுப்படி, கோதுமையின் விலையைக் கட்டுப்படுத்தவும், நாடு முழுவதும் கோதுமை எளிதில் கிடைப்பதை உறுதி செய்யவும் இந்த நடவடிக்கை எடுக்கப்பட்டுள்ளது. கோதுமை இருப்பு நிலையை மத்திய மற்றும் மாநில அரசு அதிகாரிகள் உன்னிப்பாகக் கண்காணித்து வருவதாக அந்த அறிக்கையில் தெரிவிக்கப்பட்டுள்ளது.
கோதுமை பதுக்கலை தடுக்க அரசின் அதிரடி நடவடிக்கை… கோதுமை சேமிப்பு வரம்பு மார்ச் 2026 வரை நீட்டிப்பு…!
