குடும்ப ஓய்வூதிய விதிகளில் மாற்றம்…! நவ.30ம் தேதிக்கு முன்பு இந்த செயல்முறையை பெற்றோர் முடிப்பது அவசியம்… | வணிகம்

பெற்றோரில் ஒருவர் இறந்தாலோ அல்லது ஒரே ஒரு பெற்றோர் மட்டுமே இருந்தாலோ, ஓய்வூதிய விகிதம் 60 சதவீதமாகக் குறைக்கப்படுகிறது. இதற்கு பெற்றோர் இருவரும் தங்கள் வாழ்க்கைச் சான்றிதழ்களை சமர்ப்பிக்க வேண்டும். இதைச் செய்வதன் மூலம் மட்டுமே அவர்களுக்கு அதிகரித்த விகிதம் தொடர்ந்து கிடைக்கும்.

பைனான்சியல் எக்ஸ்பிரஸ் அறிக்கையின்படி, மத்திய சிவில் சர்வீசஸ் (EOP) விதிகள், 2023இன் விதி 12ன் கீழ், ஒரு அரசு ஊழியர் இறந்துவிட்டால், அவரது குடும்பத்தில் மனைவி அல்லது குழந்தைகள் இல்லையென்றால், பெற்றோருக்கு குடும்ப ஓய்வூதியம் பெற உரிமை உண்டு என்று தெரிவிக்கப்பட்டுள்ளது. பெற்றோர் இருவரும் உயிருடன் இருந்தால், அவர்களுக்கு 75% கிடைக்கும், ஒருவர் மட்டும் உயிருடன் இருந்தால், அவர்களுக்கு 60% கிடைக்கும். பெற்றோருக்கு வேறு வருமானம் இருந்தாலும், ஓய்வூதியம் பாதிக்கப்படாது.

இருப்பினும், இந்த புதிய ஓய்வூதிய விகிதத்தைப் பெற, தற்போது ஒவ்வொரு ஆண்டும் நவம்பரில் பெற்றோர் இருவரும் தங்கள் வாழ்க்கைச் சான்றிதழ் சமர்ப்பிக்க வேண்டும். ஒருவர் இறந்துவிட்டால், அடுத்த ஆண்டு ஒரு சான்றிதழ் மட்டுமே வழங்கப்படும், மேலும் ஓய்வூதியம் தானாகவே 60%ஆக நிர்ணயிக்கப்படும்.

இதைச் செய்ய, ஜீவன் பிரமான் ஆப்-ஐ டவுன்லோட் செய்யவும். பின்னர் அதை ஆதாருடன் இணைத்து உங்கள் முகத்தை ஸ்கேன் செய்யவும். வங்கி அல்லது தபால் நிலையத்திலும் உங்கள் கைரேகைகளை சமர்ப்பிக்கலாம். மூத்த குடிமக்களுக்கு வீட்டிலிருந்தே சேவைகள் கிடைக்கின்றன.