குகேஷிடம் வேண்டுமென்றே தோற்றாரா டிங் லிரன்? – News18 தமிழ்

கடந்த வாரம் சிங்கப்பூரில் நடைபெற்ற 2024-ம் ஆண்டுக்கான உலக செஸ் சாம்பியன்ஷிப் போட்டியில் 18 வயதே ஆன இந்தியாவின் டி குகேஷ் வெற்றி பெற்று சாதனை படைத்தார். இந்நிலையில் இவருக்கு எதிராக போட்டியிட்ட சீனாவைச் சேர்ந்த டிங் லிரன், வேண்டுமென்றே தோற்றதாக குற்றச்சாட்டு எழுந்துள்ளது. தற்போது இந்த தோல்வி குறித்து வெளிப்படையாக பேசியுள்ளார் சீன கிராண்ட்மாஸ்டர்.

நடப்பு சாம்பியனாக இருந்த டிங், முக்கியத்துவம் வாய்ந்த 14-வது போட்டியில் மிகப்பெரிய தவறொன்றை செய்தார். இந்த தவறுதான் மிக இளம் வயதிலேயே உலக செஸ் சாம்பியனாவதற்கு குகேஷிற்கு காரணமாக அமைந்தது. குகேஷிடம் தோல்வியடைந்ததைத் தொடர்ந்து, வேண்டுமென்றே போட்டியில் தோல்வியடைந்ததாக டிங் மீது ரஷ்ய செஸ் கூட்டமைப்பின் தலைவர் ஆண்ட்ரே ஃபிலடோவ் குற்றச்சாட்டு எழுப்பியிருந்தார். இதுகுறித்து சர்வதேச செஸ் கூட்டமைப்பு (FIDE) வெளிப்படையான விசாரணையை நடத்த வேண்டும் என்றும் அவர் கோரியிருந்தார்.

முன்னாள் உலக சாம்பியனான மேக்னஸ் கார்ல்சன் மற்றும் விளாடிமிர் கிராம்னிக் ஆகியோரும் டிங் மற்றும் குகேஷுக்கு இடையே நடைபெற்ற 14-வது போட்டியில் சதுரங்கத்தின் தரம் குறித்து கேள்வி எழுப்பினர். இவ்வுளவு விமர்சனங்களுக்கு மத்தியில், டிங் தன்னையும் குகேஷையும் தற்காத்து கொண்டதோடு, தங்களுக்கு இடையே நடைபெற்ற விளையாட்டுகளின் தரம் அவ்வளவு குறைவானதாக இல்லை என்று வலியுறுத்தியுள்ளார்.

“ஆமாம், நான் போட்டியில் என்னால் முடிந்தளவு வெற்றி பெற முயற்சித்தேன். எனது நேரத்தைப் பயன்படுத்துவதை நீங்கள் நன்றாக பார்க்க முடியும். எனக்குப் பழக்கமில்லாதபோது தொடக்க கட்டத்தில் அதிக நேரத்தைப் பயன்படுத்தினேன். என்ன நடக்கிறது என்பதைக் கண்டுபிடிக்க முயற்சித்தேன். அல்லது இந்த புதுமையின் பின்னணியில் என்ன இருக்கிறது அல்லது எனது காயை எப்படி நகர்த்துவது என சிந்தித்தேன். சில நேரங்களில் எனக்கு இது உதவியாக இருந்தது. சில சமயங்களில் நான் ஒரு தெளிவான வழியைக் கண்டுபிடிக்க முடியாமல் திணறினேன்” என்று டிங்கூறியுள்ளார்.

மறந்தும் கூட இந்த 9 உணவுகளை வெறும் வயிற்றில் சாப்பிடாதீர்கள்.!
மேலும் செய்திகள்…