கிரிக்கெட் மைதானத்தில் வைத்து ஸ்மிருதி மந்தனாவுக்கு ப்ரொபோஸ் செய்த காதலன்.. வைரல் வீடியோ | விளையாட்டு

இந்திய மகளிர் கிரிக்கெட் அணியின் முன்னணி வீராங்கனையாக ஸ்மிருதி மந்தனா இருந்து வருகிறார். இடதுகை பேட்டரான இவர் பல்வேறு கிரிக்கெட் தொடரில் இந்திய மகளிர் அணிக்கு வெற்றியை தேடித் தந்துள்ளார். இந்திய மகளிர் கிரிக்கெட் அணியின் துணை கேப்டனாக செயல்பட்டு வரும் ஸ்மிருதி மந்தனா சமீபத்தில் இந்திய அணி வென்ற உலகக்கோப்பை கிரிக்கெட் தொடரில் முக்கிய பங்கு வகித்தார்.

அத்துடன் மகளிர் பிரீமியர் லீக்கில் ராயல் சேலஞ்சர்ஸ் பெங்களூரு அணியின் கேப்டனாகவும் இருந்து வருகிறார். இவரும் பிரபல இசையமைப்பாளர் பலாஷ் முச்சல் என்பவரும் கடந்த சில ஆண்டுகளாக காதலித்து வந்தனர். இந்த நிலையில் தனது காதலி ஸ்மிருதி மந்தனாவுக்கு இன்ப அதிர்ச்சி கொடுக்கும் விதமாக அவரது கண்களை கட்டிய பலாஷ் மைதானத்தில் வைத்து ப்ரொபோஸ் செய்துள்ளார்.

இந்த நிகழ்வு மும்பை டி. ஒய். பாட்டில் மைதானத்தில் நடந்திருக்கிறது.

அதற்கு ஸ்மிருதி மந்தனா ஆம் என்று கூறினார். தற்போது இது தொடர்பான வீடியோவை பலாஷ் முஞ்சால் சமூக வலைத்தளங்களில் வெளியிட அந்த வீடியோ அதிக விருப்பங்களை பெற்று வருகிறது.