Last Updated:
கடந்த சில நாட்களாக முட்டை விலை தொடர்ந்து அதிகரித்து வந்த நிலையில் தற்போது ஒரே நாளில் முட்டை விலை 20 காசுகள் குறைந்துள்ளது.
தமிழ்நாட்டில் நாமக்கல், சேலம், ஈரோடு, பெருந்துறை, கோவை உள்ளிட்ட நாமக்கல் மண்டலத்தில் 1300 கோழிப்பண்ணைகளில் 7.50 கோடி முட்டையிடும் கோழிகள் உள்ளன. இவற்றின் மூலம் தினசரி 6.50 கோடி முட்டைகள் உற்பத்தி செய்யப்படுகின்றன.
இங்கு உற்பத்தியாகும் முட்டைகளுக்கான விலையை நாமக்கல்லில் உள்ள தேசிய முட்டை ஒருங்கிணைப்பு குழு நாள்தோறும் விலையை நிர்ணயம் செய்து வருகிறது. தமிழக அரசின் சத்துணவு திட்டத்திற்கும், வெளிநாட்டிற்கு ஏற்றுமதிக்கும் போக, மீதமுள்ள முட்டைகள், கேரளா உள்ளிட்ட வெளி மாநிலங்களுக்கும், தமிழகத்தின் பல்வேறு மாவட்டங்களுக்கும் விற்பனைக்காக தினசரி லாரிகளில் அனுப்பி வைக்கப்படுகின்றன.
இந்நிலையில் நாமக்கல் மண்டலத்தில் முட்டையின் கொள்முதல் விலை ரூ.5.75 ஆக இருந்த நிலையில் இன்று ஒரே நாளில் 20 காசுகள் குறைத்து ரூ.5.55 ஆக முட்டை விலை நிர்ணயம் செய்து தேசிய முட்டை ஒருங்கிணைப்பு குழு அறிவித்துள்ளது.
கடந்த சில நாட்களாக முட்டை விலை தொடர்ந்து அதிகரித்து வந்த நிலையில் தற்போது ஒரே நாளில் முட்டை விலை 20 காசுகள் குறைந்து இருப்பது முட்டை பிரியர்கள் மத்தியில் மகிழ்ச்சியை ஏற்படுத்தியுள்ளது.
Namakkal,Tamil Nadu
July 10, 2025 10:40 AM IST
