“காற்று மாசுவிற்கு தீர்வு காண மத்திய அரசுடன் இணைந்து செயல்பட தயார்” ராகுல்காந்தி பேச்சு! | இந்தியா

நாடாளுமன்ற பூஜ்ய நேரத்தில் பேசிய ராகுல் காந்தி, நாட்டின் முக்கிய நகரங்களை விஷ காற்று சூழ்ந்துள்ளதாகவும், இதனால் லட்சக்கணக்கான குழந்தைகளுக்கு நுரையீரல் பாதிப்பு வருவதாகவும், பலருக்கு புற்றுநோய் வருவதாகவும் கூறினார். இது கொள்கை ரீதியான பிரச்சனை அல்ல என்றும் , இதுகுறித்து நாடாளுமன்றத்தில் விரிவான மற்றும் ஆக்கப்பூர்வமான விவாதம் நடத்தப்பட வேண்டும், எனவும் அறிவுறுத்தினார்.

ராகுல் காந்தியின் கோரிக்கையை ஏற்றுக்கொண்ட நாடாளுமன்ற விவகாரத்துறை அமைச்சர் கிரண் ரிஜிஜூ, அதற்கான நேரம் ஒதுக்கப்படும் என்றும், அரசு இது குறித்து விவாதிக்க தயாராக இருப்பதாகவும் கூறினார்.