காசாவில் அத்தியாவசிய பொருட்களை தேடிச் சென்றவர்கள் மீது இஸ்ரேல் தாக்குதல்… 59 பேர் உயிரிழப்பு

பாலஸ்தீனத்தில் உள்ள காசா மக்கள் மீது இஸ்ரேல் தொடர்ந்து தாக்குதல் நடத்தி வருகிறது. இதில் குழந்தைகள், பெண்கள் உள்பட தற்போது வரை 59 ஆயிரத்துக்கும் மேற்ப்பட்ட பொதுமக்கள் கொல்லப்பட்டுள்ளனர். இந்த போரானது 21 மாதங்களாக தொடர்ந்து நடைபெற்று வருகிறது. இதில் உணவு, அத்தியாவசிய பொருட்கள் இல்லாமல் தொடர்ந்து காசா மக்கள் பாதிப்புக்குள்ளாகி வருகின்றனர்.

இந்நிலையில், தெற்கு காசாவில் ரஃபாவுக்கு அருகே இஸ்ரேல் ஆதரவுடன் அமெரிக்கா நடத்தி வரும் அத்தியாவசிய உதவிகள் வழங்கும் மையத்திற்கு காசா மக்கள் சென்றனர். அவர்கள் செல்லும் வழியில் நடத்தப்பட்ட துப்பாக்கிச்சூட்டில் 31 பேர் உயிரிழந்தனர். மேலும் இஸ்ரேலின் ஏவுகணைத் தாக்குதலில் குழந்தைகள் உள்ளிட்ட 28 பேர் உயிரிழந்தனர்.