Last Updated:
தலைமை தேர்தல் ஆணையர் பதவி விலகக்கோரி போராட்டத்தில் ஈடுபட்டு கைது செய்யப்பட்ட கரப்பான் பூச்சி ஜனதா கட்சி தலைவர்கள் ஜென் சி தலைமுறை இல்லை என டெல்லி உயர்நீதிமன்றம் கருத்து தெரிவித்துள்ளது.
கரப்பான் பூச்சி ஜனதா கட்சியினர் ஜென் சி தலைமுறை இல்லை என டெல்லி உயர்நீதிமன்றம் கருத்து தெரிவித்துள்ளது.
கடந்த 13 ஆம் தேதி டெல்லியில் தலைமை தேர்தல் ஆணையர் ஞானேஷ்குமார் பதவி விலகக்கோரி கரப்பான் பூச்சி ஜனதா கட்சியினர் போராட்டத்திற்கு அழைப்பு விடுத்தனர்.
அப்போது, தடையை மீறி ஜந்தர் மந்தரில் தேசிய கொடியுடன் போராட்டத்தில் ஈடுபட்ட அக்கட்சியின் இணை ஒருங்கிணைப்பாளர்களான சௌரவ் தாஸ் மற்றும் ஆஷுதோஷ் ரங்கா கைது செய்யப்பட்டனர்.
இதனையடுத்து இரண்டு பேரும் 5 நாள் நீதிமன்ற காவலில் வைக்கப்பட்ட நிலையில்,
மண்டிர் மார்க் காவல் நிலையத்தில் பதியப்பட்ட புதிய வழக்கில் மேலும் 2 நாட்கள் நீதிமன்றத்தில் வைக்க உத்தரவிடப்பட்டது.
இதனை எதிர்த்து சௌரவ் தாஸ் மற்றும் ஆஷுதோஷ் ரங்கா தொடர்ந்த வழக்கு டெல்லி உயர்நீதிமன்றத்தில் விசாரணைக்கு வந்தது.
அப்போது, மனுதாரர் தரப்பில் ஆஜரான வழக்கறிஞர் அபிக் சிம்னி, சௌரவ் தாஸுக்கு 27 வயதும், ஆஷுதோஷ் ரங்காவுக்கு 32 வயதும் ஆவதாகத் தெரிவித்தார்.
குறுக்கிட்ட நீதிபதி சுப்ரமணியம் பிரசாத், அப்படியானால் அவர்கள் Gen Z தலைமுறையினர் இல்லை என்று குறிப்பிட்டார்.
நீதிமன்றக் காவல் நீட்டிப்பை எதிர்த்த மனுவைத் CJP தலைவர்கள் திரும்ப பெற்றுக் கொண்டனர்.
