‘கனவு’ காருக்கு வந்த சோதனை; வாங்கிய மறுநாளே சிக்கல்! நடந்தது என்ன? | இந்தியா

இதுகுறித்து அவர் சோசியல் மீடியாவில் பகிர்ந்துள்ளது வைரலாகியுள்ளது. Spinny  தளத்தின் வழியாக ஹூண்டாய் i10 நியோஸ் (2021) காரை வாங்கிய அந்த பயனர், பயன்படுத்தப்பட்ட கார் தளங்களின் நம்பகத்தன்மை குறித்து கேள்வியெழுப்பியுள்ளார் “தயவுசெய்து ஸ்பின்னியிடமிருந்து வாங்காதீர்கள். நான் இதைச் சொல்வது உங்கள் கனவைப் பாதுகாக்கத்தான் நான் இதைச் சொல்கிறேன்” என்று தலைப்பிட்டு உணர்ச்சிபூர்வமாக பதிவிட்டுள்ளார். சமீபத்தில் பெங்களூரில் உள்ள வேகா சிட்டி மையத்திலிருந்து “ஸ்பின்னி சான்றளிக்கப்பட்ட” ஹூண்டாய் i10 நியோஸ் (2021) காரை வாங்கிய அவர், டெலிவரி செய்யப்பட்ட ஒரு நாளிலேயே காரின் ஸ்டீயரிங் பிரச்சனையை ஏற்படுத்தியதாக கூறுகிறார்.

உண்மையில் என்ன நடந்தது?

“அருமையான புகைப்படங்கள்; மென்மையான பேச்சு மற்றும் ‘200+ ஆய்வு புள்ளி’ வாக்குறுதிகள் என அனைத்தும் சிறப்பாகவே இருந்தது. ஆனால் அடுத்த நாளே  ஸ்டீயரிங் (EPS மோட்டார்) பழுதடைந்தது” என ரெடிட் தளத்தில் அவர் பகிர்ந்துள்ளார். “பணத்தைத் திரும்ப தருவதாக நிறுவனம் ஒப்புக்கொண்டாலும், இது தீர்வாகாது. ஏனெனில் நீங்கள் வாங்கிய புதிய கார் அடுத்த நாளே பழுதடைவதைப் பார்ப்பதால் ஏற்படும் மன அழுத்தத்தை திரும்ப கிடைக்கும் பணம் ஈடுசெய்யாது” எனப் பதிவர் கூறுகிறார்.

“யாரையும் வெறுக்கவோ அல்லது அவதூறு செய்யவோ நான் இதைச் செய்யவில்லை. என்னைப் போன்ற பலர் தங்கள் முதல் காரை வாங்க பல ஆண்டுகளாகச் பணத்தைச் சேமிப்பதால் இதைச் சொல்கிறேன். ஸ்டீயரிங் குறைபாட்டுடன் ஒரு காரை விற்று அதை “சான்றளிக்கப்பட்டது” என்று அழைக்கும் ஒரு நிறுவனத்தை, மக்களின் பாதுகாப்பு மற்றும் உணர்ச்சிகளுடன் விளையாட அனுமதிக்கக்கூடாது. தயவுசெய்து, ஸ்பின்னியிடமிருந்து கார் வாங்குவதற்கு முன், அங்கீகரிக்கப்பட்ட சேவை மையத்தில் முழுமையான சோதனையை மேற்கொள்ளுங்கள்” என்றும் அவர் கூறினார்.

சமூக ஊடகங்களின் எதிர்வினை:

இணையத்தில் இந்தப் பதிவு வைரலாகிய நிலையில், இதே போன்று தங்களுக்கு ஏற்பட்ட அனுபவங்களைப் பலர் பகிர்ந்து கொண்டனர். இது நெட்டிசன்களிடையே ஆதரவையும் அனுதாபத்தையும் பெற்றது. “இதை முன்கூட்டியே சொன்னதற்கு நன்றி. ஸ்பின்னி அல்லது கார்ஸ்24 இரண்டுமே நம்பகமானவை அல்ல. பயன்படுத்திய காரை வாங்குவது இப்போது ஒரு சூதாட்டம் போல் தோன்றுகிறது” என்று ஒரு யூசர் தனது கருத்தை பதிவிட்டுள்ளார்.

“2021-ல் எனது i20 N லைனை விற்க முயற்சித்தேன்; அது அதிக  தூரம் ஓட்டப்படவில்லை. 2025-ல் 7கி.மீ-க்கும் குறைவாகவே இயக்கப்பட்டது, இதற்கு அவர்கள் 5.6 லட்சம் என்ற குறைவான விலையை கூறினர். மேலும் இந்த விலையை ஏற்றுக்கொள்ளுமாறு என்னை நிர்பந்திக்க தொடங்கினர். இனிமேல் ஒருபோதும் நான் ஸ்பின்னியிடம் கார் வாங்கவோ விற்கவோ மாட்டேன்” என்று இன்னொரு பதிவர் தனது கோபத்தை பதிவு செய்தார்.