சஷ்டி விரதம் இருப்பது பற்றியும் அனைவருக்கும் தெரியும். ஆனால் அனைவரும் சொல்லும் அந்த கந்தசஷ்டி கவசம் என்ற சொல்லுக்கு என்ன அர்த்தம்?
முருகனின் அருளை பெறுவதற்கு எத்தனையோ மந்திரங்கள், பாடல்கள் இருந்தாலும் அவற்றில் மிகவும் புகழ்பெற்றதாகவும், பலருக்கும் தெரிந்த ஒன்றுமாக இருப்பது கந்தசஷ்டி கவசம் பாடலாகும். 236 வரிகளைக் கொண்ட இந்த பாடல் பாலதேவராய சுவாமிகளால் இயற்றப்பட்டதாகும். இந்த பாடல் பக்தர்களை கவசம் போல் இருந்து காக்கக் கூடியதாகும். பெரும்பாலனவர்களுக்கும் கந்தசஷ்டி கவசம் என்றால் சஷ்டியை நோக்க என்ற பாடல் தான் தெரியும். ஆனால் பாலதேவராய சுவாமிகள் முருகப் பெருமானின் ஆறுபடை வீடுகளுக்கும் தனித்தனியாக கந்தசஷ்டி கவசம் இயற்றி உள்ளார்.
சஷ்டியை நோக்க என துவங்கும் பாடல் திருச்செந்தூர் திருத்தலத்திற்கு உரிய பாடலாகும். இது போல் மற்ற ஐந்து தலங்களுக்கும் கவச பாடல் உள்ளது. கந்தசஷ்டி பாடலை எவர் ஒருவர் முருகனை நினைத்து, மனப்பூர்வமாக ஒரு நாளைக்கு 36 முறையோ அல்லது தொடர்ந்து 48 நாட்களோ படித்து வந்தால் அவர்கள் வேண்டியது அனைத்தும் கிடைக்கும். வாழ்க்கையில் மிகப் பெரிய மாற்றமும், ஏற்றமும் கிடைக்கும் என்பது ஐதீகம். கந்தசஷ்டி கவசம் என பாலதேவராய சுவாமிகள் இந்த கவச பாடல்களுக்கு பெயர் வைத்துள்ளார்.
கந்தசஷ்டி கவசம் பாடல் பலருக்கும் மனப்பாடமாக தெரியும். ஆனால் கந்தசஷ்டி கவசம் என்ற சொல்லுக்கு என்ன அர்த்தம் என்பதும், எதை குறிப்பிட்டு இந்த பெயரை பாலதேவராய சுவாமிகள் வைத்தார் என்பது பலருக்கும் தெரியாது. அதன் அர்த்தம் என்ன என்பதை இங்கு தெரிந்து கொள்ளலாம். கந்த என்றால் ஞானத்தால் அடைந்த உற்சாகம் என்று பொருள். கந்தனது வேல் ஆழ்ந்தும்,அகன்றும்,கூர்மையான கலிகளை நீக்கும் ஞானசக்தி வேல் ஆகும். கவசம் என்றால் நமது உள்ளத்தையும்,உடலையும் காக்கும் கருவியாகும். சஷ்டி என்றால் நமக்கு உள்ளே இருக்கும் ஆறு வகையான பகைவர்களை குறிப்பதாகும்.
6 வகையான பகைகள் :
* ஆசை – மண்ணாசை,பெண்ணாசை,பொன்னாசை, காமாசுரன் என்று ஆசையை அழைப்பது உண்டு
* கோபம் – உள்ளிருந்து நம்மையும் பிறரையும் அழிக்கும் கோபம் மற்றொரு அசுரகுணமாகும்.கோபத்தை கோபாசுரன் என்று அழைப்பது உண்டு.
* லோபம் – பிறருக்கு செல்வத்தை பகிர்ந்தளிக்காத லோபி, மிக கொடியவன். லோபாசுரன் என்று அழைப்பது உண்டு.
* மோகம் – அறியாமையால் தான் உலகில் துன்பங்கள் மோகம் எனும் அறியாமையே அஞ்ஞானம் ஆகும். மோகமாசுரன் என்று அறியாமையை அழைப்பர்.
* மதம் – நான்,எனது என்ற ஆணவச்செருக்கு,நமது மனிதகுலமே நாளும் நாசமடைகிறது. எனவே மதம் பிடித்தவனை ஆணவாசுரன் என அழைப்பர்.
* மாச்சர்யம் – பிறரது வளர்ச்சி கண்டு பொறாமையால் மற்றவர்களை துன்புறுத்தும் அசுரகுணம். எனவே மாச்சர்யாசுரன் என்று பொறாமையை குறிப்பிடுவார்கள்.
கந்தசஷ்டி கவசம் ஓதி உணர்ந்து உள்ளம் தெளிய கந்தனாகிய ஞானபண்டிதன் ஞானவேல் தருவான். கந்தனது ஞானவேலால் நம்முள்ளே சூரசம்ஹாரம்
கந்தனருளால் ஆறு அசுரர்களும் அழிய, உலகில் களிப்போடு நாம் வாழ முடியும். மனிதனுக்குள் இருக்கும் தீய குணங்கள் அவனது கர்மவினைகளால் ஏற்பட்டு, அதனால் துன்பம் ஏற்படுகிறது.
முருகன் நம்முடைய மனதிற்குள் வந்ததும் அவரது வேல், நமக்குள் இருக்கும் தீய அசுரர்களை வதம் செய்வதையே சூரசம்ஹாரம் என்கிறோம். இதனால் சஷ்டி காலத்தில் முருகனை வழிபட்டால், அசுர குணங்கள் அழிந்து முருகனின் அருள் கிடைத்து, உலகில் இன்பமாக வாழ்வோம் என்பது நம்பிக்கை.
