கடத்தப்பட்ட சிறுமியை மீட்ட மும்பை போலீஸ்…! 6 மாதங்களுக்குப் பின்னர் பெற்றோரிடம் சேர்ந்த நெகிழ்ச்சி தருணம்… | இந்தியா

அந்தக் குழந்தையானது தனது தந்தையின் சிகிச்சைக்காக சோலாப்பூரில் இருந்து தனது பெற்றோர் மற்றும் கைக்குழந்தை சகோதரனுடன் செயிண்ட் ஜார்ஜ் மருத்துவமனைக்கு வந்திருந்தது. மே 20 ஆம் தேதி மும்பையின் CSMT ரயில் நிலையம் அருகே விளையாடிக் கொண்டிருந்தபோது காணாமல் போனது. குழந்தை காணாமல் போனதை அடுத்து அவரது பெற்றோர் உடனடியாக போலீசில் புகார் அளித்தனர்.

ஆரம்பத்தில் சிறுமியை கண்டுபிடிக்க மும்பை காவல்துறை குழு வாரணாசிக்கு பல முறை சென்றதாகவும், அங்கு வாரணாசி காவல்துறை மற்றும் ஜிஆர்பியின் ஒத்துழைப்புடன் தேடியபோதிலும் சிறுமியைக் கண்டுபிடிக்க முடியவில்லை என்று டிசிபி முண்டே கூறியுள்ளார். இந்நிலையில் கடந்த செப்டம்பர் மாதம், மும்பை காவல்துறை பல குழுக்களை நியமித்ததுடன் வாரணாசியில் போஸ்டர்கள், பேனர்கள் மற்றும் செய்தித்தாளில் விளம்பரங்களை வெளியிட்டு ஆபரேஷன் ஷோத் என்ற திட்டத்தைத் தொடங்கினர். இந்நிலையில், ஒரு உள்ளூர் பத்திரிகையாளர், மும்பை குழுவிடம் ஒரு அனாதை இல்லத்தில் மராத்தி பேசும் சிறுமி இருப்பதாக தெரிவித்தார். பின்னர் காவல்துறையினர் அந்தப் பெண் குழந்தை பற்றிய அடையாளத்தை பகிர்ந்து கொண்டனர்.

பெற்றோரால் அடையாளம் உறுதி செய்யப்பட்டதை அடுத்து காவல்துறையினர் சிறுமியை மீட்டு அவரது குடும்பத்தினரிடம் ஒப்படைத்ததாகவும் அதிகாரி கூறியுள்ளார். கடத்தல்காரரைத் தேடும் பணி தொடர்ந்து நடைபெற்று வருகிறது என்று அதிகாரிகள் தெரிவித்தனர். கடத்தல்காரன் சிறுமியை வாரணாசி ரயில் நிலையம் அருகே விட்டுச் சென்றதாகவும், சிறுமி தனியாக இருப்பதைக் கண்ட உள்ளூர் போலீசார் அவளை அனாதை இல்லத்தில் ஒப்படைக்கப்பட்டதாகவும் தெரிவித்துள்ளார்.