ஐபிஎல்லில் இனிமேல் ‘ராயல் சேலஞ்சர்ஸ் பெங்களூர்’ என கிடையாது… அணி நிர்வாகம் எடுத்த திடீர் முடிவு!

10 அணிகள் பங்கேற்கும் ஐபிஎல் கிரிக்கெட் தொடர் வரும் 22ஆம் தேதி தொடங்கவுள்ளது. சென்னையில் நடக்கவுள்ள முதல் போட்டியில் சி.எஸ்.கே மற்றும் ஆர்.சி.பி அணிகள் மோதவுள்ளன. நடப்பு சாம்பியன் என்ற பட்டத்தை தக்கவைக்கும் முயற்சியில் சிஎஸ்கே அணியும் இம்முறையாவது கோப்பையை வென்றுவிடவேண்டும் என்ற முனைப்பில் ஆர்சிபி அணியும் களம் காண உள்ளன.

இந்நிலையில் அணியின் பெயர் தொடர்பாக ஆர்சிபி அணி நிர்வாகம் முக்கிய முடிவு ஒன்றை எடுத்துள்ளது. அதன்படி ராயல் சேலஞ்சர்ஸ் பெங்களூர் என இவ்வளவு நாட்களாக இருந்துவந்த பெயரை இத்தொடர் முதல், ராயல் சேலஞ்சர்ஸ் பெங்களூரு என மாற்ற முடிவு செய்து, அதிகாரப்பூர்வமாக பெயரும் மாற்றப்பட்டுள்ளது.

முதல் சீசனான 2008 முதல் ஐபிஎல் போட்டிகளில் விளையாடிவரும் ஆர்சிபி அணி, ராயல் சேலஞ்சர்ஸ் பெங்களூர் என்ற பெயரிலேயே விளையாடிவந்தது. இதற்கிடையே 2014ஆம் ஆண்டு நவம்பர் மாதம் கர்நாடக மாநில தலைநகரான பெங்களூர், பெங்களூரு என பெயர்மாற்றம் செய்யப்பட்டது. ஆனாலும் ஆர்சிபி அணி தனது பழைய பெயரிலேயே தொடர்ந்து வந்தது. இந்நிலையில்தான் தற்போது இந்த பெயர்மாற்ற முடிவுக்கு ஆர்சிபி அணி வந்துள்ளது.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…