Last Updated:
நிகில் ரவிசங்கர் கடந்த ஐந்து ஆண்டுகளாக ஏர் நியூசிலாந்தில் பணியாற்றி வருகிறார். அவர் தற்போது ஏர் நியூசிலாந்தின் தலைமை டிஜிட்டல் அதிகாரியாக உள்ளார்.
ஏர் நியூசிலாந்து நிறுவனம் இந்திய வம்சாவளியைச் சேர்ந்த நிகில் ரவிசங்கரை அதன் அடுத்த தலைமை நிர்வாக அதிகாரியாக (CEO) நியமித்துள்ளது. நிகில் தற்போது நிறுவனத்தின் தலைமை டிஜிட்டல் அதிகாரியாக (CDO) பணியாற்றி வருகிறார், மேலும் அக்டோபர் 20, 2025 முதல் நிறுவனத்தின் முழு தலைமைப் பொறுப்பையும் ஏற்பார். சில காலத்திற்கு முன்பு ராஜினாமா செய்த தற்போதைய தலைமை நிர்வாக அதிகாரி கிரெக் ஃபோரனுக்குப் பதிலாக அவர் நியமிக்கப்பட்டார்.
நிகில் ரவிசங்கர் கடந்த ஐந்து ஆண்டுகளாக ஏர் நியூசிலாந்தில் பணியாற்றி வருகிறார். அவர் தற்போது ஏர் நியூசிலாந்தின் தலைமை டிஜிட்டல் அதிகாரியாக உள்ளார். செப்டம்பர் 2021ஆம் ஆண்டில் விமான நிறுவனத்தில் சேர்ந்ததில் இருந்து, இந்தப் பொறுப்பில் இருந்து வருகிறார். ஏர் நியூசிலாந்தில் சேருவதற்கு முன்பு, நிகில் வெக்டர் நியூசிலாந்தில் தலைமை டிஜிட்டல் அதிகாரியாக பணியாற்றினார். அங்கு அவர் 2017 முதல் நிறுவனத்தின் டிஜிட்டல் மற்றும் தகவல் தொழில்நுட்ப செயல்பாடுகளுக்கு தலைமை தாங்கினார்.
இதற்கு முன்பு, அவர் ஹாங்காங், ஆஸ்திரேலியா மற்றும் நியூசிலாந்தில் உள்ள ஆக்சென்ச்சரில் நிர்வாக இயக்குநராக இருந்தார். மேலும், டெலிகாம் நியூசிலாந்தில் (ஸ்பார்க்) டெக்னாலஜி ஸ்ட்ரேடஜி மற்றும் ட்ரான்ஸ்ஃபர்மேஷன் லீடர்ஷிப் பதவிகளை வகித்தார். நிகில் ரவிசங்கரின் தந்தை இந்திய வம்சாவளியைச் சேர்ந்தவர். ஆனால், அவர் நீண்ட காலத்திற்கு முன்பே தனது குடும்பத்துடன் நியூசிலாந்தில் குடியேறிவிட்டார் என்பது குறிப்பிடத்தக்கது.
நிகில் ஆக்லாந்து பல்கலைக்கழகத்தில் அறிவியல், கணினி அறிவியல் மற்றும் வணிகவியல் இளங்கலைப் பட்டம் (ஹானர்ஸ்) பெற்றார். பின்னர் பல்கலைக்கழகத்தின் ஸ்ட்ராடெஜிக் CIO திட்டத்தின் ஆலோசகராகவும் வழிகாட்டியாகவும் பணியாற்றினார். அவர் ஆக்லாந்து தொழில்நுட்ப பல்கலைக்கழகத்தின் (AUT) AUTEUR இன்ஃப்ளூயன்சர் நெட்வொர்க்கின் உறுப்பினராகவும், நியூசிலாந்து ஆசியத் தலைவர்களின் குழுவிலும், ஆக்லாந்து ப்ளூஸ் அறக்கட்டளையின் ஆலோசனைக் குழு உறுப்பினராகவும் உள்ளார்.
ரவிசங்கர் தலைமை நிர்வாக அதிகாரியாக பொறுப்பேற்ற மகிழ்ச்சியை வெளிப்படுத்தும் விதமாக, விமான நிறுவனத்தின் இணையதளத்தில் ஒரு அறிக்கையை வெளியிட்டார். அதில், “இந்தப் பதவியை ஏற்பதில் நான் மகிழ்ச்சியடைகிறேன். இந்த அமைப்பால் நான் பணிவுடன் மதிக்கப்படுகிறேன். ஏர் நியூசிலாந்தை வழிநடத்தும் இந்த வாய்ப்பு எனக்குக் கிடைத்ததில் நான் மகிழ்ச்சியடைகிறேன்” என்றும் ரவிசங்கர் கூறியுள்ளார்.
மேலும் அவர், “தலைமை நிர்வாக அதிகாரியாக நான் பொறுப்பேற்றதன் மூலம் எங்கள் மக்கள், எங்கள் வாடிக்கையாளர்கள் மற்றும் எங்கள் நாட்டிற்கு ஒரு புதிய பொறுப்பை ஏற்றுக்கொள்கிறேன்” என்று ரவிசங்கர் கூறினார். ஏர் நியூசிலாந்து சிறந்த விமான நிறுவனங்களில் ஒன்றாகும். விமான நிறுவனங்கள் மிகவும் சிக்கலானவை. மேலும், நாம் எடுக்கும் ஒவ்வொரு முடிவிலும் பாதுகாப்புதான் மையமாக உள்ளது. நியூசிலாந்து உலகின் மிகவும் புதுமையான நாடுகளில் ஒன்றாகும் என்றும், பார்வையிட சிறந்த நாடுகளில் ஒன்றாகும் என்றும் தான் உறுதியாக நம்புவதாகக் கூறினார்.
July 31, 2025 5:31 PM IST
