பண்ணை மற்றும் கட்டுமான உபகரணங்களைத் தயாரிக்கும் எஸ்காா்ட்ஸ் குபோடா லிமிடெட்டின் விற்பனை கடந்த செப்டம்பா் மாதத்தில் 2.5 சதவீதம் அதிகரித்துள்ளது.
இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது:
2023-ஆம் ஆண்டின் செப்டம்பா் மாதத்தில் நிறுவன டிராக்டா்களின் விற்பனை 12,081-இருந்தது. இது, நடப்பாண்டின் அதே மாதத்தில் 2.5 சதவீதம் அதிகரித்து 12,380-ஆக உள்ளது.
மதிப்பீட்டு மாதத்தில், உள்நாட்டுச் சந்தையில் 11,985 டிராக்டா்கள் விற்பனையாகின. இது முந்தைய 2023-ஆம் ஆண்டின் செப்டம்பா் மாதத்தோடு ஒப்பிடுகையில் 5.7 சதவீதம் அதிகம். அப்போது டிராக்டா்களின் உள்நாட்டு விற்பனை 11,334-ஆக இருந்தது.
நாடு முழுவதும் சராசரிக்கும் அதிகமான பருவமழை பெய்து, நீா் தேக்கங்களில் போதிய நீா் இருப்பது, சாதகமான வா்த்தகச் சூழல் போன்ற காரணங்களால் கடந்த செப்டம்பா் மாதத்தில் நிறுவனம் விற்பனை வளா்ச்சியைக் கண்டுள்ளது.
எனினும், கடந்த 2023 செப்டம்பரில் 747-ஆக இருந்த நிறுவனத்தின் டிராக்டா்கள் ஏற்றுமதி, இந்த செப்டம்பரில் 395-ஆகக் குறைந்துள்ளது என்று அந்த அறிக்கையில் குறிப்பிடப்பட்டுள்ளது.
