லங்கா ஒட்டோ லீட்டர் ஒன்றின் விலை 4 ரூபாயால் அதிகரிக்கப்பட்டுள்ளது. இதன் புதிய விலை 281 ரூபாயாகும்.
மாதாந்த எரிபொருள் விலை சூத்திரத்திற்கு அமைவாக, இலங்கை பெற்றோலியக் கூட்டுத்தாபனம் இன்று (28) நள்ளிரவு முதல் நடைமுறைக்கு வரும் வகையில் எரிபொருள் விலைகளை திருத்தியமைக்க தீர்மானித்துள்ளது.
அதன்படி, லங்கா ஒட்டோ லீட்டர் ஒன்றின் விலை 4 ரூபாயால் அதிகரிக்கப்பட்டுள்ளது. இதன் புதிய விலை 281 ரூபாயாகும்.
லங்கா சூப்பர் டீசல் லீட்டர் ஒன்றின் விலை 6 ரூபாயால் அதிகரிக்கப்பட்டுள்ளது. அதன்படி, 323 ரூபாவாக இருந்த இதன் புதிய விலை 329 ரூபாயாக உயர்ந்துள்ளது.
92 ஒக்டேன் லீட்டர் ஒன்றின் விலை 1 ரூபாயால் அதிகரிக்கப்பட்டு, புதிய விலை 293 ரூபாயாக நிர்ணயிக்கப்பட்டுள்ளது.
இதேவேளை, மண்ணெண்ணெய் மற்றும் 95 ஒக்டேன் 95 வகை பெற்றோல் ஆகியவற்றின் விலைகளில் மாற்றம் செய்யப்படவில்லை என அறிவிக்கப்பட்டுள்ளது. அதன்படி, மண்ணெண்ணெய் லீட்டர் ஒன்று 182 ரூபாயாகவும், ஒக்டேன் 95 வகை பெற்றோல் லீட்டர் ஒன்று 340 ரூபாயாகவும் மாற்றமின்றி, தொடர்ந்தும் விற்பனை செய்யப்படும்.
