எச்-1பி விசா; அதிரடி மாற்றத்தை கொண்டுவந்த அமெரிக்கா! இனி லாட்டரி நடைமுறை கிடையாது | உலகம்

அமெரிக்க அதிபராக டொனால்ட் டிரம்ப் பதவி ஏற்ற பிறகு விசா நடைமுறையில் பல்வேறு அதிரடி மாற்றங்களை ஏற்படுத்திவருகிறார். அந்த வரிசையில் தற்போது, விசாவில் குலுக்கல் முறையை ரத்து செய்துள்ளார். அதற்குப் பதிலாக அதிக ஊதியம் மற்றும் மிகச்சிறந்த பணித்திறன் கொண்ட விண்ணப்பதாரர்களுக்கு முன்னுரிமை அளிக்கும் புதிய திட்டம் அறிமுகப்படுத்தப்பட்டுள்ளது.

இந்த மாற்றம் வரும் பிப்ரவரி 27 ஆம் தேதி முதல் அமலுக்கு வரும் என அமெரிக்கக் குடியுரிமை மற்றும் குடியேற்ற சேவைகள் துறை தெரிவித்துள்ளது. தகுதியற்றவர்களைக் குறைந்த ஊதியத்தில் பணியமர்த்த குலுக்கல் முறை தவறாகப் பயன்படுத்துவதாகப் புகார்கள் எழுந்த நிலையில் இந்த மாற்றம் கொண்டுவரப்பட்டுள்ளது.

இந்த புதிய முறையினால் போட்டித்தன்மை அதிகரிப்பதோடு, திறமையானவர்களுக்கு மட்டுமே விசா கிடைப்பது உறுதி செய்யப்படும் எனவும் தெரிவிக்கப்பட்டுள்ளது.

புதிய எச்1-பி விசா விண்ணப்பங்களுக்கு இந்திய மதிப்பில் சுமார் 89 லட்ச ரூபாய் கட்டணமாக வசூலிக்கப்படும் என டிரம்ப் நிர்வாகம் அறிவித்தது. அதன் தொடர்ச்சியாக, சமூக ஊடகக் கணக்குகளை ஆய்வு செய்வது உள்ளிட்ட தீவிர கண்காணிப்புப் பணிகளும் வேகமெடுத்துள்ளன.

Click here to add News18 as your preferred news source on Google.

கூகுள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள். புவிசார் அரசியல் முதல் ராஜதந்திரம் மற்றும் உலகளாவிய போக்குகள் வரை அனைத்து சமீபத்திய செய்திகளையும் பெறுங்கள், விரிவான அலசல்கள் மற்றும் நிபுணர்களின் பார்வைகளைப் பெறுங்கள். நியூஸ்18 தமிழில் மட்டுமே சமீபத்திய உலகச் செய்திகளுடன் தொடர்ந்து தெரிந்துகொள்ளுங்கள்.