உலகக்கோப்பை மகளிர் கபடி தொடரை வென்றது இந்திய அணி… கிரிக்கெட்டை தொடர்ந்து கபடியிலும் சாதனை.. | விளையாட்டு

இதில் ஈரானை வீழ்த்தி இந்தியாவும், வங்காளதேசத்தை வீழ்த்தி சீன தைபே அணியும் இறுதிப்போட்டிக்கு தகுதி பெற்றன. இறுதிப் போட்டியில், முதலில் சீன தைபே அணி ஆதிக்கம் செலுத்தினாலும், சுதாரித்து ஆடிய இந்திய அணி புள்ளிகளை குவித்தது.

இறுதியில் 35க்கு28 என்ற புள்ளிகள் கணக்கில் வென்று இந்திய மகளிர் அணி வாகை சூடியது. ஒரு நாள் கிரிக்கெட் மகளிர் உலகக் கோப்பை, பார்வை மாற்றுத் திறனாளிகளுக்கான டி20 உலகக் கோப்பை என ஒரே மாதத்தில் இரு உலகக் கோப்பைகளை வென்று சாதனைப் படைத்த இந்திய மகளிர் தற்போது, கபடியிலும் சாதனைப் படைத்துள்ளது.

இந்தக் கபடி உலகக் கோப்பை வெற்றி, இந்திய மகளிர் விளையாட்டுக்கு ஒரு மைல்கல்லாக அமைந்தது. ஏனென்றால், ஒரே மாதத்தில் இந்திய மகளிர் அணிகள் மூன்று வெவ்வேறு உலகக் கோப்பைகளில் வாகை சூடியுள்ளன.