உலகக்கோப்பை தொடர்களில் அதிக ரன்கள் பார்ட்னர்ஷிப்.. வரலாறு படைத்தது நியூசிலாந்து அணி! | கிரிக்கெட் செய்திகள்

இன்று நடைபெற்ற ஐக்கிய அரபு அமீரக அணிக்கு எதிரான போட்டியில் நியூசிலாந்து அணி 10 விக்கெட் வித்தியாசத்தில் வெற்றி பெற்றது. முதலில் பேட்டிங் செய்த யு.ஏ.இ. அணி 20 ஓவர்களில் 173 ரன்கள் எடுத்தது. இதனை சேஸிங் செய்த நியுசிலாந்து அணி விக்கெட் இழப்பின்றி 175 ரன்கள் குவித்து வெற்றி பெற்றது.

தொடக்க வீரர்களான ஃபின் ஆலன் மற்றும் டிம் செய்பர்ட் இணை 175 ரன்கள் பார்ட்னர்ஷிப அமைத்து அனைத்து விதமான உலகக்கோப்பை தொடர்களில் அதிக ரன்கள் அமைத்த ஜோடி என்ற வரலாற்று சாதனையை ஏற்படுத்தியுள்ளது.

இவர்களுக்கு அடுத்தபடியாக, இங்கிலாந்து அணியின் அலெக்ஸ் ஹேல்ஸ் மற்றும் ஜோஸ் பட்லர் ஜோடி 170* ரன்களுடன் இரண்டாம் இடத்தில் உள்ளது.

தென்னாப்பிரிக்காவின் ரிலீ ரோசோவ் மற்றும் குயிண்டன் டி காக் ஜோடி 168 ரன்களுடன் மூன்றாவது இடத்திலும், இலங்கையின் ஜாம்பவான்களான குமார் சங்கக்காரா மற்றும் மகேல ஜெயவர்த்தனே ஜோடி 166 ரன்களுடன் நான்காவது இடத்திலும் உள்ளனர்.