மணல் தொழிலதிபர் ஒருவரிடமிருந்து ரூ.40,000 இலஞ்சம் பெற்ற சம்பவம் தொடர்பாக கைது செய்யப்பட்ட ஒக்ககம்பிட்டி காவல்துறை அதிகாரியின் பிணை மனுவை நிராகரித்து கொழும்பு நீதவான் நீதிமன்றம் உத்தரவிட்டுள்ளது.
அதன்படி, சந்தேக நபரை 25 ஆம் தேதி வரை மேலும் விளக்கமறியலில் வைக்க கொழும்பு தலைமை நீதவான் தனுஜா லக்மாலி உத்தரவிட்டார்.
உயர்தர பரீட்சைக்கு தோற்றவுள்ள மகள்
இந்த முறைப்பாடு இன்று விசாரணைக்கு எடுத்துக்கொள்ளப்பட்டபோது, சந்தேக நபருக்காக முன்னிலையான வழக்கறிஞர் நீதிமன்றத்தில் உண்மைகளை முன்வைத்து, தனது கட்சிக்காரரின் மகள் இந்த ஆண்டு க.பொ.த உயர்தரப் பரீட்சைக்கு தோற்றவுள்ளதாகவும், அதை ஒரு சிறப்பு விஷயமாகக் கருதி சந்தேக நபரைபிணையில் விடுவிக்குமாறு கோரினார்.
பிணை மனுவை எதிர்த்த இலஞ்ச ஒழிப்பு ஆணைக்குழு அதிகாரிகள்
சந்தேக நபர் மீதான விசாரணைகள் தொடர்ந்து நடைபெற்று வருவதால், பிணை மனுவை எதிர்ப்பதாக இலஞ்ச ஒழிப்பு ஆணைக்குழு அதிகாரிகள் தெரிவித்தனர்.
இரு தரப்பினரும் முன்வைத்த வாதங்களை பரிசீலித்த கொழும்பு தலைமை நீதவான், சந்தேக நபரின் பிணை மனுவை நிராகரித்து, அவரை 25 ஆம் திகதி வரை மேலும் விளக்கமறியலில் வைக்க உத்தரவிட்டார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
