உதவச் சென்று விக்கெட்டைப் பறிகொடுத்த பாகிஸ்தான் வீரர்.. வங்கதேச கேப்டனின் விசித்திரமான ரன்-அவுட் சர்ச்சை! | கிரிக்கெட் செய்திகள்

இதில் பாகிஸ்தான் வீரர் சல்மான் அகா ரன்-அவுட் ஆன விதம் கிரிக்கெட் உலகில் பெரும் சர்ச்சையையும் விவாதத்தையும் ஏற்படுத்தியுள்ளது. ஆட்டத்தின் 39-வது ஓவரில், பாகிஸ்தான் அணி 3 விக்கெட்டுகளை இழந்து தத்தளித்துக் கொண்டிருந்த நிலையில், சல்மான் அகா மற்றும் முகமது ரிஸ்வான் ஜோடி 109 ரன்கள் சேர்த்து அணியை மீட்டுக்கொண்டிருந்தது.

அந்த ஓவரை வீசிய வங்கதேச கேப்டன் மெஹிதி ஹசன் மிராஸின் பந்துவீச்சில், ரிஸ்வான் பந்தை மெதுவாகத் தட்டிவிட்டார். பந்துவீச்சாளரின் ஃபாலோ-த்ரூவில் பந்தைத் தடுத்த மிராஸ், எதிர்பாராதவிதமாக நான்-ஸ்ட்ரைக்கர் முனையில் இருந்த சல்மான் அகா மீது மோதினார்.

இந்த மோதலில் பந்து அருகிலேயே நின்றது, சல்மான் அகா நிலைதடுமாறி தனது கிரீஸை விட்டு வெளியே தள்ளப்பட்டார். இந்தச் சூழலில், கிரீஸிற்குள் திரும்புவதற்கு முன்பாக, கீழே கிடந்த பந்தை எடுத்து மிராஸிடமே கொடுப்பதற்காக சல்மான் அகா குனிந்தார்.

ஆனால், இதைச் சாதகமாகப் பயன்படுத்திக்கொண்ட மிராஸ், மின்னல் வேகத்தில் பந்தை எடுத்து ஸ்டம்புகளைச் சாய்த்து அவுட் என்று அப்பீல் செய்தார். பந்து ‘டெட் பால்’ ஆகாத நிலையிலும், பேட்டர் கிரீஸிற்கு வெளியே இருந்ததாலும், மூன்றாவது நடுவர் விதிமுறைப்படி சல்மான் அகா ஆட்டமிழந்ததாக அறிவித்தார்.

இருப்பினும் இந்த போட்டியில் பாகிஸ்தான் அணி 128 ரன்கள் வித்தியாசத்தில் வெற்றி பெற்றது.